Mu gihe Leta ishishikariza abantu guhanga imirimo yabateza imbere ndetse bakisunga n’ibigo by’imari kugira ngo bakore ibibateza imbere kurushaho bigateza imbere n’igihugu, ubu hadutse abantu bashakira amaramuko mu buriganya n’ubujura, bakavuga ko bihangiye imirimo.

Mu murenge wa Rwezamenyo, hadutse umutekamutwe uronkera ku mbwa zapfuye. Arakugendera agafata imbwa yapfuye akayijyana nijoro ku muryango w’umuntu, mu gitondo babyutse bagatangira gushaka uko babigenza. Kubera ko na we aba acungira hafi ngo ababwira ko yabibafashamo ariko agahabwa nibura amafaranga ibihumbi bitanu.

Ubwo akayakoma umufuka ariko muri iryo joro akaza kuyijyana ahandi, bityo bityo agakomeza kuyisimburanya ku ngo. Ariko ku bw’amahirwe yaje gutabwa muri yombi, aho bije kugaragarira ko intumbi y’imbwa yashyizwe ku muryango w’umuntu ariko yaramaze kwangirika, bagasanga isa n’iyo bari barabonye ku rundi rugo, na mu bihe nk’ibyo uwo mutekamutwe akabaca amafaranga nk’ayo yifizaga.