Tariki ya 23 Werurwe ni umunsi wa 82 w’umwaka usigaje iminsi 283 ngo urangire.

Bimwe mu byabaye kuri uyu munsi

1281 : Martin wa kane yabaye papa aza gupfa mu 1285

1613 : Umusirikare mukuru wo muri Irlande Pierre-Guillaume Veruff yise ikirwa cya Irlande ishyamba ry’Ubwongereza (England’s forest).

1857 : Elisha Graves Otis yashyizwe ahagaragara ascenseur yakoze yashyizwe mu nzu y’ubucuruzi.

1911 : ibarura ry’abaturage ryabaye mu Bufaransa ryerakanye ko yari ituwe n’abaturage 39.605.000

1933 : Adolf Hitler yahawe ubushobozi bwo kuyobora Ubudage.

Adolf Hitler

1966 : Papa Paul wa gatandatu yakiriye i Rome Dr Michael Ramsey, Umusenyeri w’Abaparotesitanti basinyana amasezerano yo gushinga komisiyo ihuriweho n’Abagatolika n’Abaporotesitanti, mu gihe aya madini yari amaze imyaka irenga 400 atumvikana.

1969 : Hubatswe icyambu kinini ku isi ku kiyaga cya Pontchartrain i Louisiane, muri Leta Zunze Ubumwe z’Amerika, gifite uburebure burenga km 38.

1976 : Umukinnyi w’Umufaransa Éric Cantona, wakinaga mu Bwongereza mu ikipe ya Manchester United yakubise imigeri umufana mu mukino bakinaga na Crystal Palace, ahanishwa gufungwa ibyumweru bibiri adasohoka.

1998 : Filimi ya Titanic yakozwe na James Cameron yahawe igihembo cya filimi nziza ku isi, ihembwa ibihembo 11 bya Oscars, bityo inganya n’iyayirushaga ya Ben-Hur yahembwe mu 1960.

Abavutse kuri iyi tariki

1749 : Pierre-Simon de Laplace, umunyamibare w’Umufaransa wapfuye mu 1827.

1769 : William Smith umuhanga mu bijyanye n’ubutaka, yapfuye mu 1839

1881 : Roger Martin du Gard, umwanditsi w’Umufaransa wabonye igihembo cya Nobel mu buhanga mu ndimi mu mwaka w 1937.

1907 : Daniel Bovet, umuganga ukomoka mu Busuwisi wahawe igihembo cya Nobel 1957.

Abapfuye kuri iyi tariki

1237 : Jean de Brienne, umwami wa Yeruzalemu.

1742 : Jean-Baptiste Dubos, umwanditsi w’Umufaransa .

1946 : Gilbert Newton Lewis, umunyabugeni n’umunyabugenge wavukaga muri Amerika.

1955 : Artur da Silva Bernardes, Perezida wa Brésil.

Lucien Lacaze , umusirikare mukuru akaba n’umukozi mukuru mu bagize inteko y’ururimi rw’igifaransa (académie française).

Ibindi

Umunsi mwiza kuri Eusèbe, Victorien, Rebecca , Turibe.