Ahagana saa tanu n’igice nibwo aba bantu bageze ku Kimihurura kuri Komisiyo y’Igihugu y’Amatora bavuga ko bagiye gushyigikira Perezida Kagame nk’uko babikoze bamutoranya mu bandi ngo abahagararire mu matora.

Ku wa Gatandatu tariki ya 17 Kamena 2017 ubwo i Rusororo mu Karere ka Gasabo mu nyubako nshya y’icyicaro cya FPR Inkotanyi hateraniraga Kongere yayo idasanzwe, Perezida Kagame niwe watorewe kuzahagararira Umuryango wa FPR Inkotanyi muri aya matora aho mu banyamuryango 1930; 1929 bamwemeje haboneka imfabusa imwe.

Mu bayobozi batandukanye bagaragaye kuri NEC barimo Minisitiri w’Ibikorwaremezo, Musoni James; Umunyamabanga Mukuru wa FPR Inkotanyi, Ngarambe François n’abandi.

Aba bantu baherekeje Perezida Kagame baririmbaga indirimbo zitandukanye zirimo izizwi cyane mu bikorwa by’Umuryango FPR Inkotanyi n’izindi zishimangira ibyo u Rwanda rumaze kugeraho.

Abaherekeje Perezida Kagame bari bizihiwe no kubona umukandida bihitiyemo avuye gutanga kandidatire

Yatambukaga bamukomera amashyi

Ibyishimo byari byose...

Uhereye ibumoso: Komiseri w'Umuryango FPR Inkotanyi, Gasamagera Wellars; Barimuyabo Jean Claude uhagarariye urubyiruko muri EALA; Senateri Jean Népomuscène na Komiseri muri FPR Inkotanyi, Mukasine Marie Claire bagera kuri Komisiyo y'Igihugu y'Amatora

Abanyamuryango ba FPR Inkotanyi bashyigikiye Perezida Kagame ari benshi

Umunyamabanga Nshingwabikorwa wa Komisiyo y'Igihugu y'Amatora, Charles Munyaneza; Umunyamabanga Mukuru wa FPR Inkotanyi, Ngarambe François na Minisitiri w’Ibikorwaremezo, Musoni James

Abantu benshi kuri NEC bategereje ko Perezida Kagame ahagera