00:00:00 IGIHE NETWORK KN KINYARWANDA EN ENGLISH FR FRANCAIS

Intero ‘Imana isumba byose’ mu Itegeko Nshinga yateje impaka zikomeye mu Badepite

Yanditswe na

Richard Dan IRAGUHA

Kuya 29 October 2015 saa 04:48
Yasuwe :

Abadepite mu Nteko Ishinga Amategeko bagiye impaka zikomeye ku nteruro igaragara mu mushinga w’Itegeko Nshinga mu gika cy’irangashingiro ivuga ko ‘Imana isumba byose’ aho bamwe basabaga ko iguma muri uyu mushinga, abandi bagashimangira ko ivamo.

Abadepite batunguwe no gusanga mu Mushinga w’Itegeko Nshinga hatarimo igika cyiguva ko Imana ishobora byose, maze bibaza impamvu banatanga ibitekerezo ko iyo ngingo ari ngombwa.

Byagiweho impaka ndende bamwe bashaka ko icyo kiguma mu Itegekjo Nshinga, abandi bagasobanura ko bitakiri ngombwa bashingiye ku myumvire itandukanye y’uko abantu bumva Imana.

Mu gihe cyo gutora, ku nshuro ya kabiri (kuko n’ubwa mbere abadepite ntabwo baryemeje) abadepite 49 gusa nibwo baritoye, abandi 8 baryanze, abandi barifata haboneka n’impabusa.

Perezidante w’umutwe w’Abadepite avuga ko iryo rangashingiro ridatowe, kubera ko ritabonye amajwi ya ngombwa ngo ritorwe.

Nyuma yo gusubika imirimo y’Inteko mu gihe cy’iminota 10 ndetse n’inama y’abaperezida ikongera guhura inonosora ibitekerezo by’abadepite, abadepite bagarutse mu Nteko rusange maze Visi perezida Uwimanimpaye yongera gusobanura ko Iyo nteruro igomba kuvamo, abadepite barongera baratora.

Abagera kuri 70 bose baryemeje, bityo igika kivuga ko ’Imana isumba byose
kandi ishobora byose’ kitazagaragara mu Irangashingiro ry’Itegeko Nshinga.

Kimwe mu bika by’Irangashingiro mu mushinga w’Itegeko Nshinga cyateje impaka

IRANGASHINGIRO
Twebwe, Abanyarwanda,
TUZIRIKANYE ko Imana isumba byose
kandi ishobora byose;
TWIBUKA jenoside yakorewe Abatutsi
igahitana abana b’u Rwanda barenga
miliyoni, twibuka n’amateka mabi yaranze
Igihugu cyacu;
DUHAYE ICYUBAHIRO GIKWIYE
abakurambere b’intwari bitanze batizigama
bahanga u Rwanda, intwari zaharaniye
umutekano, ubutabera, icyubahiro,
ubwisanzure, zikanagarura ituze n’ishema
by’Igihugu cyacu ;
DUSHINGIYE ku mahirwe dufite yo kugira
Igihugu kimwe, ururimi rumwe, umuco
umwe n’amateka maremare dusangiye
bigomba gutuma tugira imyumvire imwe...


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .