Kuwa Gatandatu tariki ya 28 Mata, abahanzi umunani bahatanira igihembo cya Primus Guma Guma Super Star 2 bakina umupira wa ruhago n’ikipe y’abanyamakuru bo mu bitangazamakuru bitandukanye.
N’ubwo hazaba hari igikombe gihatanirwa, uyu mukino wateguwe mu rwego rwo kwibuka abahanzi n’abanyamakuru bazize Jenoside yakorewe Abatutsi muri Mata 1994.

Kuva ku isaha ya saa munani z’amanywa nk’uko tubikesha bimwe mu binyamakuru bya hano i Kigali, kuri Stade Amahoro y’i Remera ikipe y’abanyamakuru yari itarabonerwa izina ubwo twavuganaga na Kapiteni wayo Kim Kizito(Radio 10), uzabanzanyamo na Richard Kwizera (Kigalitoday.com), Maurice Munyentwali (Isango Star), Frank Mihigo (IGIHE Ltd), Samba Cyuzuzo (umuseke.com), Karim (RTV), Kate Gustave (Radio 10), Rutamu (flash fm), Mulemba Issiak(Voice of Africa), Victor Fidele(Radio 10) Nelly Wilson (Inyarwanda.com), naho umutoza akaba Bayingana David(Radio 10).

Izahatana n’ikipe yatoranyijwe mu bahanzi, Abayobozi ba East African Promoters (EAP)na BRALIRWA betegura iri rushanwa yiswe PGGSS FC yo igizwe na Bull Dog(mu izamu), Croidja, Riderman, King James, Elvis (BRALIRWA), TMC, Bahati, Platini, Knowless, Young Grace na Emmy bazatozwa na Mushyoma Joseph bakunze kwita Bubu umuyobozi mukuru wa EAP.

Ku mpande zombi imihigo ni yose, Kim Kizito kapiteni w’abanyamakuru ati:”Hamwe na system yacu ya 4, 4, 2 tuzabatsinda ntakabuza”.
Ku ruhande rw’Abahanzi IGIHE yaganiriye Bubu umutoza wayo adutangariza ko ntakabuza bazatsinda abanyamakuru kuko afite system nshya ikiri ibanga yazanye ariko itandukanye n’iya José Mourinho(umutoza wa Real Madrid) n’iya Pep Guardiola (FC Barcelona) ziherutse gutsindwa.

Abasimbura ku mpande zombi

Ku ruhande rw’Abahanzi:

1. Jean Pierre (BRALIRWA)

2. Patrick (BRALIRWA)

3. Clément (EAP)

4. Landry (EAP)

5. DAF (BRALIRWA)

Ku ruhande rw’Abanyamakuru:

1. Mc tino (KFM)

2. PASCAL (inyarwanda.com)

3. Epa (zahabutimes.com)

4. Henry Jado (radio 10)

5. Vénuste Kamanzi (igihe.com)

6. Muzogeye Plaisir (umuseke.com).