Ubwirinzi bw’ibanze

IBYO WAMENYA KURI IKI CYOREZO

Coronavirus ni iki?

Coronavirus iri mu muryango mugari wa za virusi zitera indwara zitandukanye harimo indwara zoroheje nk’ibicurane n’izikomeye nk’iz’ubuhumekero zikomeye bita (MERS-CoV), n’iz’ubuhumekero zikakaye nka (SARS-CoV).

Ku itariki ya 7 Mutarama 2020, ubwoko bushya bwa virusi bwari butaragaragara mu bantu bwabonetse mu Bushinwa, bukaba buzwi ku izina rya Coronavirus; zikaba zibarizwa mu muryango wa virusi zitera ibicurane, SRAS na MERS.

Ku ikubitiro iyo virusi yagaragaye mu isoko ry’inyama n’amafi riherereye mu mujyi wa Wuhan, mu Ntara ya Hubei mu Bushinwa. Iyo virusi ihita ifata izina rya 2019-nCoV cyangwa Coronavirus nshya.

Ingamba

Kwirinda

Gukaraba intoki kenshi

Guma mu rugo

Kwirinda kwikora mu maso

Gukoresha agapfukamunwa mu gihe ukorora cyangwa ufite ibicurane

Kugabanya ingendo zitari ngombwa

Kutajya ahateraniye abantu benshi

Amakuru kuri Covid-19

Ibisubizo ku byo wibaza kuri Coronavirus

FAQ

  • Uwakize Coronavirus ashobora kongera kuyandura?

    Nta bushakashatsi burabyemeza. Abahanga mu by’ubuvuzi barakora ijoro n’amanywa bashaka amakuru yimbitse yerekeye iyi ndwara.

    Izindi Coronavirus zisaba ko umubiri ukora ubwirinzi bwawo butuma uwayanduye atongera kurwara.

  • Ese yandurira mu mibonano mpuzabitsina?

    Nta nyigo iremeza ko COVID-19 yandurira mu mibonano mpuzabitsina. Gusa bitewe no kuba akenshi abari muri iki gikorwa bashobora gusomana kandi ari imwe mu nzira yanduriramo bishobora gutuma umuntu yanduza undi.

    Mu gihe wanduye cyangwa ubona ufite ibimenyetso bya Coronavirus biba byiza kwishyira mu kato, ukanirinda imibonano mpuzabitsina.

  • Ese koko Coronavirus ni indwara y’abakire?

    Kuva Coronavirus yaboneka mu Bushinwa yibasiye abantu benshi ku Isi kuva ku bakomeye kugeza ku boroheje.

    Iyi ndwara icyaduka byavugwaga ko idashobora gufata abirabura ariko byaje kugaragara ko ari ibihuha.

    Buri wese ashobora kwandura iyi ndwara mu gihe atirinze. Coronavirus yandura inyuze mu matembabuzi mu gihe uwayakozeho yikoze ku munwa, ku zuru cyangwa mu maso.

    Ni byiza kuzirikana gukaraba intoki neza n’amazi n’isabune cyangwa ugakoresha imiti yabugenewe (hand sanitizer) kuko bishobora kwica iyo virusi.

  • Kuki atari ngombwa kwambara ’masks’?

    Udupfukamunwa dukozwe mu gapapuro koroshye gashobora gutoswa n’umwuka umuntu ahumeka buri kanya, bikaba byatuma gacika. Bisaba ko umuntu ahora adusimburanya cyane.

    Utu dukoresho nubwo dushobora kurinda umuntu kwikora ku munwa no ku zuru ariko ubwo bwirinzi ntibukingira ijisho.

    Inzego z’ubuzima zisaba abantu kwambara udupfukamunwa mu kwirinda gukwiza ubwandu mu gihe bakorora cyangwa bitsamura.

    Abahura n’abarwayi n’ababitaho ni bo bategetswe kwambara udupfukamunwa kugira ngo birinde kuba bakwandura.

    Uburyo bw’ingenzi cyane bukurinda kwandura ni intoki zisukuye - byakumvikana nk’ibisanzwe ariko gukaraba intoki n’amazi meza n’isabune mu gihe cy’amasegonda nibura 20 ni ingenzi cyane.

  • Umurwayi wa Coronavirus ashobora kuyimarana igihe kingana gute?

    Umurwayi wa Coronavirus arangwa no kugira inkorora, umuriro no guhumeka nabi. Ibimenyetso byayo bigaragara hagati y’iminsi 2-14, bivuze ko hari abayigendana batabizi. Ni yo mpamvu abantu bagirwa inama yo kuguma mu ngo no kubahiriza amabwiriza y’inzego z’ubuzima ngo batanduza abandi.

    Abahanga mu by’ubuzima berekana ko bamwe iyo virus yabagezemo bumva batameze neza ariko umubiri wabo ukaba wakongera kugaragaza ubudahangarwa mbere yuko ibimenyetso biboneka.

    Iyo Coronavirus igeze mu bihaha, itera ibibazo by’ubuhumekero; aho usanga abageze kuri uru rwego bashyirwa mu byuma bibongerera umwuka.

    Mu Bushinwa, aho virus yatangiriye wasangaga abarwayi bamaze ibyumweru nka bitatu bari kwitabwaho kwa muganga. Nibura abagera kuri 80% by’abarwayi barakize.

  • Coronavirus ishobora kumara igihe kingana gute ku kintu?

    Coronavirus ishobora kumara amasaha 48 (iminsi ibiri) ku kintu gikomeye nka serire y’urugi, icyuma cyangwa ikirahuri.

    Iyo igeze ku hantu horohereye nko ku myenda ntihatinda cyane kuko ishobora kuhamara nibura umunsi umwe.

Rubrique (2011) Recalculer cette page