Startimes yongereye amashene y’ubuntu ku bafatabuguzi bayo mu bihe bya Coronavirus

Yanditswe na IGIHE
Kuya 24 Werurwe 2020 saa 04:39
Yasuwe :
0 0

Ibihugu birenga 30 byo muri Afurika bimaze kugaragaramo icyorezo cya Novel Coronavirus nk’uko Ishami ry’Umuryango w’Abibumbye (OMS) ribivuga. Kubera impungenge zatejwe n’ikwirakwira ry’iki cyorezo, abantu basabwe kuguma mu rugo.

Iki cyorezo cyateje ihagarikwa ry’ibikorwa bitandukanye birimo n’imikino yahuzaga abantu benshi nka Premier League, La Liga, Serie A, Champions League na NBA.

Biragaragara ko uburyo bwari busanzwe bwo kureba televiziyo buri guhinduka muri iyi minsi bitewe n’ibyo bibazo.

Nubwo abakunzi ba siporo bashobora gutenguhwa igihe gito, iminsi iri imbere izaba igizwe n’ibyiza birimo makuru, filimi z’uruhererekane, ibiganiro by’abana n’ibindi bitandukanye.

Muri ibi bihe bidasanzwe, sosiyete ya StarTimes ivuga ko abakiliya bayo batazicwa n’irungu cyangwa ngo barambirwe ibiganiro bimwe kuko yabahaye ubushobozi bwo kureba imiyoboro ya televiziyo zisaga 100 ku buntu, zirimo iz’imbere mu gihugu na mpuzamahanga, mu ndimi z’Icyongereza, Igifaransa, ururimi rwo muri Portugal ndetse n’indimi gakondo zo mu bihugu bitandukanye bya Afurika.

StarTimes ivuga ko muri iki gihe abantu bose basabwa kuguma mu ngo zabo, bazaba bafite uburenganzira ku mashene mpuzamahanga y’amakuru, imyidagaduro n’uburezi kandi bikanyura mu buryo bwose bw’ikoranabuhanga risanzwe rikoreshwa n’abafatabuguzi bayo muri Afurika.

Startimes ni yo ya mbere mu gutanga amashene y’ubuntu muri ibi bihe bidasanzwe.

Ubu abafatabuguzi bashobora kureba ibiganiro biri kuba ako kanya cyangwa ibyatambutse bihitiyemo ku buryo bukoresha internet bwa StarTimes ON, mu gihe bashatse ndetse n’aho baba baherereye hose ku mashene asaga 150.

Kubera ububiko bunini kandi bugezweho bufite ubushobozi bwo kubika ibiganiro by’amasaha arenga 20 000, uburyo bwa Startimes ON bushobora gufasha umukiliya kuzigama internet ye ku rugero rwa 30% ugereranyije n’ubundi buryo bwo gusakaza amashusho.

Umuyobozi ushinzwe ibikorwa bya StarTimes ON, Ariel Wang, avuga ko StarTimes izakomeza gutanga umusanzu mu kurinda umutekano w’abantu muri iki gihe kidasanzwe.

Ati "Twashyizeho uburyo bwo kureba amashene asaga 100 ku buntu ndetse turi no kongera ubushobozi bw’ikoranabuhanga rya StarTimes ON kugira ngo tugabanye umubare w’abantu bahurira ku murongo mugari; ibi bizatuma abayikoresha bagabanya internet bakoresha kandi bakabona ibintu byinshi bitandukanye."

StarTimes ni cyo kigo gicuruza ifatabuguzi rya televiziyo gifite abakiriya benshi ku mugabane wa Afurika kuko gifite abafatabuguzi basaga miliyoni 30, mu bihugu 37.

Intego y’iki kigo ni ukorohereza buri muryango muri Afurika kubona, kugura, kureba no gusangizanya ubwiza bwa televiziyo zikoresha uburyo bugezweho bwa ‘digital’.

Startimes yongereye amashene y’ubuntu ku bafatabuguzi bayo mu bihe bya Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza