Mu gitondo cyo kuwa Gatandatu Abanyarwanda bakoze umuganda wo gukora isuku ku nyanja ya Ruguru, nyuma ya saa sita bahurira mu munsi mukuru w’umuganura waranzwe n’amafunguro ya kinyarwanda[umutsima w’amasaka, amateke, ibijumba, ibitoki n’ibindi]; bigeze nimugoroba noneho bakora inkera yo kwishimira ko Perezida Kagame yatorewe kuyobora u Rwanda mu myaka irindwi iri imbere.

Umujyanama wa Mbere muri Ambasade y’u Rwanda mu Bubiligi, Musare Faustin, yashimiye Abanyarwanda kuzirikana no gukomera ku muco wabo.

Umutangana Yvette uyobora Diaspora Nyarwanda mu Karere ka Flandre yashimiye Ambasade y’u Rwanda mu Bubiligi uko ubuyobozi bubaba hafi mu kwitabira igikorwa ngarukamwaka cy’umuganda, gihuza Abanyarwanda.

Yagize ati “Gukora umuganda kuri njye ni ikimenyetso gikomeye cy’ubumwe bwacu nk’Abanyarwanda kandi kikaba ikimenyetso gikomeye cyo gushyira no gukorera hamwe.”

Barangije umuganda wo gusukura ku nkengero z'inyanja

Abanyarwanda baba mu Bubiligi biyibukije ku mafunguro ya gakondo mu Rwanda

Umujyanama wa Mbere muri Ambasade y'u Rwanda, Musare Faustin yasobanuye ko umuganura wari umunsi mukuru ukomeye ku Banyarwanda kandi ugomba gusigasirwa

Umunyamabanga Mukuru muri Komisiyo ishinzwe gusezerera no gusubiza mu buzima busanzwe abasirikare, Umulisa Henriette nawe yitabiriye umuganura mu Bubiligi

Umutangana Yvette uyobora Diaspora Nyarwanda mu Karere ka Flandre

Umujyanama wa Mbere muri Ambasade y'u Rwanda mu Bubiligi, Musare Faustin

Bakoze inkera yo kwishimira intsinzi ya Perezida Kagame

Umuhanzi De Gaulle Ufiteyezu mu gitaramo cyo kwishimira Intsinzi ya Perezida Paul Kagame

Bishimiye cyane ko Perezida Kagame agiye gukomeza kuyobora u Rwanda

Babyinnye indirimnbo z'intsinzi barakesha