Inshuti z’u Rwanda na bamwe mu bahagarariye ibihugu byabo n’imiryango mpuzamahanga i Kinshasa bifatanyije na Ambasade y’u Rwanda mu gikorwa cyo kwibuka jenoside yakorewe Abatutsi mu Rwanda mu 1994, ku mugoroba wo kuri uyu wa Gatanu tariki ya 7 Mata.

Umunyamabanga Mukuru w’Ihuriro ry’Inteko zishinga Amategeko z’Umuryango uhuza ibihugu byo mu Karere k’Ibiyaga Bigari (FP-ICGRL), Higiro Prosper yatanze ikiganiro ku nsanganyamatsiko yo kurwanya ingengabitekerezo ya jenoside, asobanura uburyo jenoside itegurwa, uko ishyirwa n’ingaruka zayo.

Nyuma y’ikiganiro herekanywe filime yitwa ‘Les detectives de l’Histoire-Rwanda, la France coupable’?

Umuyobozi uhagarariye Ambasade y’u Rwanda muri Repubulika Iharanira Demoakarsi ya Congo, Bagambiki Felix yashimiye abitabiriye iki gikorwa anabibutsa gikomeza kuri uyu wa 08 Mata aho biteganyijwe ko hasomwa misa yo gusabira abazize jenoside yakorerwe abatutsi hakanatangirwa ubundi butumwa.

Umunyamabanga Mukuru w’Ihuriro ry’Inteko zishinga Amategeko z’Umuryango uhuza ibihugu byo mu Karere k’Ibiyaga Bigari (FP-ICGRL), Higiro Prosper atanga ikiganiro

Bamwe mu bategetsi bo muri Repubulika Iharanira Demokarasi ya Congo bifatanyije n'abanyarwanda mu bikorwa byo kwibuka

Bamwe mu bitabiriye umuhango wo kwibuka

Umuyobozi uhagarariye Ambasade y’u Rwanda muri Repubulika Iharanira Demoakarsi ya Congo, Bagambiki Felix