Byari mu birori by’imideli byiswe Africa Sourcing & Fashion Week byakorewemo ibintu bitandukanye ndetse harimo igice cyiswe ‘Elegance Fashion Show’ cyerekaniwemo imyambaro itandukanye.

Muri Elegance Fashion Show, Asantii yerekanye imyambaro yayo yasohoye muri ‘collection’ ya mbere yiswe “Zaliwa’’ ndetse na ‘collection’ ya kabiri bise “Fahari’’.

Umuyobozi w’imushinga ya Asantii mu Rwanda, Kalimpinya Queen, yavuze ko ibi ari ibintu byabashimishije.

Ati “Twanejejwe cyane n’ igihembo twahawe cy’umwanya wa mbere. Ni ibintu byadushimishije bidutera imbaraga zo gukomeza guhanga udushya, twibanda cyane cyane ku mwihariko wa Afrika.”

Asantii yahigitse izindi ‘brand’ 19 zo mu bindi bihugu bitandukanye muri Afurika zikomeye.

Inzu ihanga imideli ya “Asantii’’ ifatwa nk’umushinga wa mbere mu ikorera muri Afurika yitezweho guhangana n’izindi zifite izina ku ruhando mpuzamahanga.

Asantii ni igitekerezo cyatangijwe na Mbonyumutwa Mukangabo Maryse, ikaba ikorera mu cyanya cy’Inganda cya Masoro.

Asantii ifite ifite intego zo guteza imbere uruganda rw’imideli rwa Afurika rukabasha guhangana ku rwego mpuzamahanga.

Ihuriyemo abahanga imideli 14 bo mu bihugu 12 bya Afurika. Barimo Amal Belcaid (Maroc), Martin Kadinda (Tanzanie), Toni Grace (Rwanda), Soraya de Piedade (Angola), Emmanuel Okoro (Nigeria) n’abandi.

Ifite amaduka y’imyenda ahantu hatandukanye harimo u Bubiligi, Nigeria, Côte d’Ivoire, Ghana, u Rwanda, Amerika n’u Bwongereza.

Imyambaro ya Asantii ni imwe mu ifite umwihariko muri Afurika yose

Asantii isanzwe ikora imyambaro igamije guteza imbere Afurika

Iyi ni imwe mu myambaro yerekanwa na Asantii

Asantii ikomeje kwagura ibikorwa byayo

Umuyobozi w’Umushinga wa Asantii mu Rwanda, Kalimpinya Queen [uri iburyo] aha yari kumwe n'Umunya-Ethiopie, Fikirte Addis usanzwe ari umuhanzi w'imideli wa Asantii muri icyo gihugu