00:00:00 IGIHE NETWORK KN KINYARWANDA EN ENGLISH FR FRANCAIS

Hagaragajwe ko Isi iri kurushaho kugana mu kaga bitewe n’imyuka ihumanye yoherezwa mu kirere

Yanditswe na Ndahayo Emmanuel
Kuya 17 Nzeri 2021 saa 06:54
Yasuwe :
0 0

Mu gihe nta gikozwe mu maguru mashya, raporo y’Umuryango w’Abibumbye yagaragaje ko ubushyuhe bw’Isi bushobora kuzagera kuri dogere 2,7 Celsius, burenze kure ubwa 1,5 Celsius ibihugu by’Isi byiyemeje kutazarenza.

Mu Nama mpuzamahanga ku ihindagurika ry’ikirere iherutse kubera mu Bufaransa mu 2015, ibihugu 191 byatanze intego zikubiyemo ingano y’imyuka yangiza ikirere byohereza mu kirere, ndetse byemeranya ko buri myaka itanu, ibi bihugu bizajya bitanga raporo ya gahunda yabyo yo kugabanya iyo myuka, kandi buri nshuro iyi raporo ikaza yerekana igabanuka ry’iyi myuka kurusha uko byari bimeze mbere.

Icyakora raporo yakozwe na Loni yerekana ko ibihugu 113 ari byo bimaze kwerekana intego zabyo nyuma y’inama iheruka mu 2015, kandi ibirimo u Buhinde, u Bushinwa, Turikiya na Arabie Saoudite, bigira uruhare rungana na 33% ry’imyuka yose yoherezwa mu kirere, ntibiratanga ingamba zivuguruye.

Ku rundi ruhande, ibihugu birimo Mexique n’u Burusiya byatangaje ko ingano y’imyuka byohereza mu kirere iziyongera, mu gihe ibirimo Brazil byatangaje ko ingabo yabyo izaguma ku kigero yariho mu 2015.

Iyi raporo igaragaza ko nta gihindutse, ingano y’imyuka ihumanye yoherezwa mu kirere iziyongeraho 16% mu 2030, kandi ubundi yakagombye kugabanukaho 45% muri icyo gihe, ari nabyo bizatuma ubushyuhe bw’Isi bugera kuri dogere 2,7%, mu gihe bushobora kugera kuri 1,5% imyaka 10 mbere y’igihe cyateganyijwe.

Ihindagurika ry'ikirere rishobora kugira ingaruka zidasanzwe ku kiremwamuntu, zirimo imyuzure n'ibindi biteye ubwoba

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .