Bimwe mu bitatse Umusozi wa Rubavu,warwaniweho intambara ya mbere y’Isi

Yanditswe na

Jean Baptiste Nshimiyimana

Kuya 16 Werurwe 2016 saa 02:40
Yasuwe :
0 0

Hari abumva ko ubwiza bw’intara y’u Burengerazuba bushingiye cyane ku kiyaga cya Kivu n’uburobyi bw’amafi bugikorerwamo; nyamara bakirengagiza umusozi w’amateka uhagararaho ukareba umujyi wa Rubavu na Goma nk’uyicayemo.

Mu rugendo rwo kurambagira ibyiza nyaburanga bigize Intara y’u Burengerazuba hamwe na Miss Rwanda 2016, Jolly Mutesi, rwakomereje ku Musozi wa Rubavu, umusozi w’amateka kuva mu ntambara ya mbere y’Isi.

Abatunganya uyu musozi bagamije kuwugira kimwe mu bikorwa by’ubukerarugendo mu Rwanda, bavuga ko aha habereye imirwano y’intambara ya mbere y’Isi hagati y’Abadage bari mu Rwanda n’Ababiligi bari baturutse muri Congo.

Abadage ngo bahahisemo kuko uhari aba yitegeye imijyi ya Rubavu (yahoze ari Gisenyi) na Goma, bityo habafashaga kumenya neza aho umwanzi ari.

Akayaga k’ibiti bitoshye kava ku musozi wari utuwe n’imiryango 1222 mu myaka yashize, kagusanganira ukigera ku kagari k’Amahoro, aho urugendo rwo kurira uyu musozi rutangirira kugera ugeze ku gasongero kawo, ukarushaho kwirebera umujyi wa Rubavu, ukaniyongeza Goma n’ikiyaga cya Kivu.

Benoit Munyankindi, uhagarariye RDB mu Ntara y’u Burengerazuba avuga ko uyu musozi uri gutegurwa ku buryo na wo wajya usurwa na ba mukerarugendo ndetse ko bategenya kuzashyiramo inyamaswa nto abahagenda bakarushaho kwizihirwa.

Coperative Inshongore iri kuwutegura ihamya ko uyu mwaka wa 2016 uzarangira bamaze gutegura ibintu byose, bityo ubukerarugendo muri iri shyamba bugakorwa mu buryo bwa kinyamwuga.

Uyu musozi wa Mont Rubavu wahoze utuyeho imiryango isaga 1222, yose ikaba yarimuriwe mu bice bya Kanembwe na Karukogo mu myaka ibiri ishize.

Uretse umusozi wa Mont Rubavu,iyi ntara irimo ishuri ryigisha ubugeni n’umuziki na byo bikurura abayisura, n’umukino wa Kayaking ufasha abantu kuruhuka bari mu kiyaga cya Kivu.

Umusozo wa Rubavu utatswe n'ibiti bihora bitoshye;ahagaragara urutare niho Komanda w'Abadage yabaga ari mu ntambara ya Mbere y'Isi
Aho umusozi wa Rubavu utangirira hubatse ibiro by'Akagari k'Amahoro
Akabari kubatse kuri uyu musozi gafasha abahasura kwica inyota
Mu rugendo rwerekeza mu mpinga y'umusozi wa Rubavu
Urutare burira bakora siporo ya Rock Climbing
Muri bimwe mu bigaragaza ubwiza bw'uyu musozi harimo n'indabo karemano
Benoit Munyankindi, uhagarariye RDB mu Ntara y’Uburengerazuba
Uko uzamuka ugenda urushaho kuryoherwa n'ubwiza bw'umujyi wa Rubavu na Goma ndetse n'ikiyaga cya Kivu
Iyo uzamutse uyu musozi, uba witegeye ikiyaga cya Kivu n'Umujyi wa Rubavu
Umujyi wa Goma n'uwa Rubavu isa n'ifatanye
Miss Rwanda yabanje gusobanurirwa uko bakora siporo ya Kayaking ikorerwa mu mazi
Yabanje imyitozo mu byatsi mbere yo kujya mu mazi
Ubwoba bwari bwamusaze ariko agezeho atinyuka kujya mu kiyaga
Yagiyemo yanga ariko agera aho atifuza kuvamo kubera ibyishimo
Miss Mutesi Jolly yifatanya n'abanyeshuri bo muri Ecole d'Art de Nyundo mu bugeni
Abanyeshuri bari bishimiye kuba bari kumwe na Miss Mutesi Jolly
Abanyeshuri bo muri Ecole d'Art de Nyundo, bakurikiye impanuro za Miss Mutesi Jolly
Miss Rwanda, Mutesi Jolly yahanuye abakobwa bo muri Ecole d'Art de Nyundo , kutiyandarika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .