Ishyamba rya Nyungwe ryibasiwe n’icyatsi cy’Umukipfu kirya ibindi byatsi

Yanditswe na

Marie Chantal Nyirabera

Kuya 2 Ukwakira 2013 saa 10:00
Yasuwe :
0 0

Icyatsi by’umukipfu cyibasira ishyamba kimeza rya Nyungwe maze bikaryangiza kuko iyo wakuze urya ibindi byatsi maze ugasanga bimwe mu bimera biri mu rusobe rw’ibinyabuzima bibangamirwa kuko uyanga umira ibindi, ukanarandaranda ku bindi biti ukabirya.
Umuyobozi wa Pariki ya Nyungwe, Rugerinyange Louis yabwiye IGIHE ko mu gihe byarabije bihangayikisha cyane kuko usanga aho byibasiye bihangiza, gusa ngo iyo birabye byongera kuzamuka hashize igihe nk’imyaka 15, kuri ubu bishimira ko (...)

Icyatsi by’umukipfu cyibasira ishyamba kimeza rya Nyungwe maze bikaryangiza kuko iyo wakuze urya ibindi byatsi maze ugasanga bimwe mu bimera biri mu rusobe rw’ibinyabuzima bibangamirwa kuko uyanga umira ibindi, ukanarandaranda ku bindi biti ukabirya.

Umuyobozi wa Pariki ya Nyungwe, Rugerinyange Louis yabwiye IGIHE ko mu gihe byarabije bihangayikisha cyane kuko usanga aho byibasiye bihangiza, gusa ngo iyo birabye byongera kuzamuka hashize igihe nk’imyaka 15, kuri ubu bishimira ko bimaze iminsi byararabye.

Ati “Umira ibindi biti kubera uburyo ari icyatsi kirandaranda, byatumye habaho inama y’abiga ibya siyansi berekana ko kiri mu ishyamba rya Nyungwe, mu bigize urusobe rw’ibimera byaho. Muri 2010 iki cyatsi cyari cyararabije.ˮ

Akomeza vuga ko ibinyamabere byabaga muri Pariki byajyaga bikirya, none kuri ubu hasigayemo bike kubera ba rushimusi.

Abanyeshuri biga mu binyabuzima n’ubutabire muri Kaminuza Nkuru y’u Rwanda n’abiga kubungabunga urusobe rw’ibinyabuzima, bajya bakora ubushakashatsi kuri iki giti babona nabo basanga kibangamira Pariki ya Nyungwe.

Mu 2009 itsinda rya Providence Akayezu, wigaga mu mwaka wa kane mu ishami ry’ibinyabuzima ari kumwe na Elias Bizuru, umwarimu muri iyi kaminuza bakoze ubushakashatsi berekana ko icyatsi cy’umukipfu (Sericostachys scandens) gikura kikabangamira ibindi biti kikabizengurukaho kibyurira bikabangamira urusobe rw’ibinyabuzima.

Ngoga Telesphore, Umuyobozi w’ishami ryo kubungabunga ibidukikije mu Kigo cy’Igihugu gishinzwe Iterambere(RDB), yadusobanuriye ko umukipfu ari ikimera gakondo gisanzwe mu ishyamba rya Nyungwe, hakaba haragaragaye ko ahagiye hangirika kubera impamvu zinyuranye, cyane zirimo inkongi y’ umuriro, haba ibimera bibona uburyo bwo kwiganza birimo umukipfu n’ibishihe.

Avuga ko ubushakashatsi bugikomeza, hatekerezwa ko ukwiganza kw’umukipfu kwaba guterwa n’uko nta nyamaswa nini nk’imbogo n’inzovu zikiri muri Nyungwe ngo ziwuvuyange, zireme ibyezi byashibukamo cyangwa byakuriramo andi moko y’ibimera n’ay’ibiti

chantal @igihe.com


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .