Ibura ry’ibijumba rishobora kugira ingaruka mu nganda zikora ibiribwa mu Rwanda

Yanditswe na

Turikumwe Noel

Kuya 31 Kanama 2012 saa 07:27
Yasuwe :
0 0

Muri iki gihe ku masoko haravugwa ihenda rya bimwe mu bihingwa ngandurarugo aho ikiri gukosha cyane ari igihingwa cy’ibijumba.
Guhenda kwabyo ku masoko gutuma benshi bibaza ko byagira n’ingaruka no ku nganda zo mu Rwanda mu gihe birimo kwifashishwa nk’ibikoresho by’ibanze mu nganda zikora ibiribwa.
Ubwo umunyamakuru wa IGIHE yaganiraga na bamwe mu baturage bo mu murenge wa Kanyinya, akarere ka Nyarugenge, batangaje ko ibijumba biri mu byo bibagiwe kubera kubura no guhenda kwabyo ku masoko. (...)

Muri iki gihe ku masoko haravugwa ihenda rya bimwe mu bihingwa ngandurarugo aho ikiri gukosha cyane ari igihingwa cy’ibijumba.

Guhenda kwabyo ku masoko gutuma benshi bibaza ko byagira n’ingaruka no ku nganda zo mu Rwanda mu gihe birimo kwifashishwa nk’ibikoresho by’ibanze mu nganda zikora ibiribwa.

Ubwo umunyamakuru wa IGIHE yaganiraga na bamwe mu baturage bo mu murenge wa Kanyinya, akarere ka Nyarugenge, batangaje ko ibijumba biri mu byo bibagiwe kubera kubura no guhenda kwabyo ku masoko.

Bavuga ko ikiro cyabyo kigura amafaranga 150 ndetse bakanemeza ko bitari bikunze kubaho mu mezi nk’aya.

Mu mujyi wa Kigali rwagati na ho bemeza ko byazamutse aho mu kiganiro n’abacururiza mu isoko rya Nyabugogo, na bo bavuze ko igiciro gihanitse kuko ikiro kiri hagati y’amafaranga 200 na 220 y’u Rwanda.

Mu gushaka kumenya niba iryo henda nta ngaruka ryaba ryaragize k’umusaruro uturuka mu nganda zibyifashisha nk’ibikoresho by’ibanze, twaganiriye na Sina Gerard ufite uruganda rw’Urwibutso rwifashisha ibijumba mu gukora ibisuguti ndetse n’imwe mu migati.

Yatangaje ko uruganda rwe nta kibazo rufite kubera ko ibyo bakoresha babyihingira mu mirima y’uruganda no mu makoperative bakorana.

Kwihingira bimwe mu byo yifashisha, ngo kikaba ari kimwe mu bituma atabura ibikoresho by’ibanze mu ruganda.

Nyamara yemeza ko batabayeho kubyihingira byagira ingaruka zigaragara cyane kuko bihenda koko.

Ruzibukira Alexis ushinzwe inganda muri MINICOM avuga ko ataramenya neza niba hari uruganda rwaba rufite icyo kibazo.

Gusa yavuze ko agiye gukurikirana neza akamenya niba ibura ry’ibi bihingwa hari aho byaba byaragize ingaruka.

Mu Rwanda ibihingwa bimwe mu bikunze kwitwa ingandurarugo, bikomeza guhenda aho abenshi bavuga ko bitagihingwa cyane kubera gahunda yo guhuza ubutaka itabishyira mu by’ibanze bikenewe.

Ariko bibonetse ko ibura ryabyo ryagira ingaruka mu nganda z’u Rwanda hagakwiye kurebwa uburyo hakongerwa ubuso bihingwamo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .