Minisitiri Kamanzi avuga ko abaturage batabuzwa gusarura amashyamba

Yanditswe na

Richard IRAKOZE

Kuya 7 Gashyantare 2012 saa 08:55
Yasuwe :
0 0

Minisitiri w’Umutungo Kamere n’Amashyamba, Stanislas Kamazi, avuga ko abaturage batabuzwa gusarura amashyamba, kuko baba barayatereye kuzayasarura ngo bikenure kandi biteze imbere bukungu.
Ibi Minisitiri Kamanzi yabigarutseho mu kiganiro “Kubaza bitera kumenya” cyabaye ku Cyumweru tariki ya 5 Gashyantare 2012. Icyo kiganiro cyabereye muri Telecom House Kacyiru-Kigali, cyari kigamije kureba uburyo amashyamba yatewe yajya arushaho gukurikiranwa kugeza akuze.
N’ubwo Minisitiri muri iki kiganirro (...)

Minisitiri w’Umutungo Kamere n’Amashyamba, Stanislas Kamazi, avuga ko abaturage batabuzwa gusarura amashyamba, kuko baba barayatereye kuzayasarura ngo bikenure kandi biteze imbere bukungu.

Ibi Minisitiri Kamanzi yabigarutseho mu kiganiro “Kubaza bitera kumenya” cyabaye ku Cyumweru tariki ya 5 Gashyantare 2012. Icyo kiganiro cyabereye muri Telecom House Kacyiru-Kigali, cyari kigamije kureba uburyo amashyamba yatewe yajya arushaho gukurikiranwa kugeza akuze.

N’ubwo Minisitiri muri iki kiganirro yavuze ko abaturage batabuzwa gusarura amashyamba, yashimangiye ko muri uko kuyasarura Leta yita ku mpamvu ayo mashyamba aba yaratewe ari zo; kurengera ibidukikije no kuzamura ubukungu. Bityo akavuga ko hagomba kuba hariho umurongo ngenderwaho amashyamba agomba gusarurwamo, byubahirije amategeko kandi mu buryo burengera ibidukikije.

Yagize ati: "Ntitwabuza abaturage gusarura amashyamba, ahubwo tubafasha kumenya uko bayasarura kuko amashyamba aterwa ngo azabyarire inyungu uwayateye (kuzamura ubukungu) no kubungabunga ibidukikije."

Kamanzi kandi yagaye abayobozi batinzatinza abaturage baba basaba ibyangombwa byo gusarura amashyamba, imwe mu mpamvu avuga ko hari abaturage binuba bakavuga ko babuzwa gusarura amashyamba.

Aha yasabye abayobozi kutananiza abaturage baka ibyangombwa byo gusarura amashyamba ku buryo bwemewe. Akavuga ko byose bigomba gukorwa muri gahunda yo gutanga serivisi nziza ku baturage.

Muri iki kiganiro kandi, Minisitiri yasabye abaturage (abashoramari) gushora imari yabo mu bikorwa byo gutera amashyamba y’abantu ku biti cyabo, kuko n’ubwo gutera amashyamba biri mu bikorwa bibungabunga ibidukikije binazamura ubukungu bw’ubikora.

Minisitiri yashimye inzego za Polisi y’Igihugu ziyemeje kandi zigashyira mu bikorwa gahunda yo gutera nibura hegitari 10 z’ibiti muri buri karere.

Iyo harebwe ingemwe zatewe mu gihembwe cy’iterwa ry’ibiti ry’umwaka wa 2010-2011, hakarebwa uko imvura yaguye ari nyinshi, hakanarebwa uko ubu hashyizweho amatsinda muri buri Karere akurikirana ikura ry’ibiti, hatangwa icyizere cy’uko umubare w’ibiti bizakura (bikaba byanasarurwa) ari mwinshi kurusha imyaka yashize.

Uyu mwaka kandi abaturage bagiye basabwa cyane gutera ibiti bivangwa n’imyaka kandi bitanga umusaruro.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .