00:00:00 IGIHE NETWORK KN KINYARWANDA EN ENGLISH FR FRANCAIS

Hamuritswe amacupa manini yo kubikamo amazi akozwe mu ikoranabuhanga ridasanzwe

Yanditswe na Thamimu Hakizimana
Kuya 4 April 2022 saa 01:12
Yasuwe :

Inganda zo mu Rwanda zikora amazi yo kunywa zikanayagurisha, zeretswe amacupa manini ya ’Plastique’, zajya ziyabikamo akozwe mu ikoranabuhanga mu rwego rwo kurengera ibidukikije.

Aya macupa afite inshuro ntarengwa agomba gukoreshwa agahita asubizwa mu nganda agakurwamo andi aho kujugunywa.

Aya macupa yamurikiwe inganda zikora amazi n’ikompanyi yitwa Igicuma Technologie, mu mpera z’iki cyumweru kugira ngo ari yo zizajya zikoresha mu kurengera ibidukikije.

Ubuyobozi bwa Igicuma Technologie, buvuga ko bwakoze aya amacupa nyuma yo gusanga hari abakora amazi akaza atujuje ubuziranenge, aho usanga hari abayabika mu macupa manini ashaje cyangwa yanduye ndetse agashyirwamo n’abantu bakoresheje intoki.

Ushinzwe ubushakashatsi mu Igicuma Technologie, Mugisha Alex, yabwiye IGIHE ko aya macupa iyo akoreshejwe inshuri 151 bafite imashini zihita ziyakoramo andi mashya mu gihe andi usanga ajugunywa mu myanda akaba yahungabanya ibidukikije kuko aba akozwe muri plastique.

Yagize ati “ Twe ntidukora amazi ariko twasanze dufite benshi bayakora ugasanga amacupa manini bayashyiramo bayakoresha kenshi cyangwa bakayabikamo yarashaje, yaranduye kandi bigakorwa n’abantu ku buryo nta buziranenge amazi aba afite, duhitamo gukora aya.”

Yongeyeho ko aya macupa bamuritse atandukanye n’andi kuko yo atajugunywa ahubwo bafite uruganda ruyakoramo andi.

Ati “ Aya macupa iyo ashizemo amazi agarurwa ku ruganda agashyirwamo andi ndetse ntarizajya rigarurwa ku ruganda 151 ngo rishyirwemo amazi kuko iyo zigeze imashini irikuramo ikarimenagura ikarikoramo irindi.”

Umuyobozi wa Igicuma TechnologieJean Louis Poutchoko, we yavuze ko bahisemo kuzana kompanyi yabo mu gihugu nyuma y’urugendo yakoreye mu Rwanda agasanga gukoresha amashashi bitemewe.

Ati “Nigeze kuza mu Rwanda nzaguha umuntu w’inshuti impano nari namuzaniye ariko arayanga kuko yari mu ishashi arambwira ngo ntibyemewe ndatungurwa, byabaye ngombwa ajya gushakisha ikindi kintu ari buyipfunyikemo birantungura.”

Yongeyeho ko yaje kwifuza kuzana Igicuma Technologie mu Rwanda nyuma yo kumenya ko hari ikigoc y’Igihugu gishinzwe kurengera ibidukikije (REMA) kinafatira ingamba zihamye abarenga ku mabwiriza yo kubibungabunga.

Kugeza ubu amacupa ya ‘plastique’ yemewe gukomeza gukoreshwa mu gihe hagishakishwa ubundi buryo bwo kubika amazi n’ibindi apfunyikwamo.

Imiterere y'aya macupa yamuritswe
Umuyobozi wa Igicuma Technologie Jean Louis Poutchoko yavuze ko uburyo u Rwanda rwarwanyije amashashi byatumye yiyemeza kuzana igisubizo kirengera ibidukikije
Ushinzwe ubushakashatsi mu Igicuma Technologie, Mugisha Alex, avuga ko aya macupa azafasha inganda zicuruza amazi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .