Apple yasabye abafite telefoni n’amasaha byayo kuvugurura ikoranabuhanga bakoresha

Yanditswe na Ndahayo Emmanuel
Kuya 27 Werurwe 2021 saa 09:16
Yasuwe :
0 0

Ikigo gikora ibikoresho by’ikoranahanga, Apple Inc. cyasabye abakoresha telefoni zayo zizwi nka ‘iPhone’, ndetse n’abafite isaha za ‘Apple Watch’, kuvugurura ikoranabuhanga bari gukoresha bitewe n’ikibazo cyagaragaye mu ryari risanzwe.

Apple yavuze ko abakoresha iPhone bagomba kwihutira kumanura (download) ikoranabuhanga rya iOS 14.4.2, mu gihe abakoresha isaha bamanura irya watchOS 7.3.3.

Apple yatangaje ko impamvu y’ivugururwa ry’ikoranabuhanga, ariko uko iryari risanzwe ryari rifite ibibazo, birimo ko umuntu yashoboraga kwinjirira abakoresha iPhone anyuze mu kuboherereza imbuga zo kuri murandasi bafungura, ubundi babikora agahera aho abiba amakuru arimo kumenya imbuga zose basura kuri murandasi. Ikoranabuhanga rishya rero rigamije kurinda ibyo bibazo.

Mu ntangiriro z’uku kwezi, na bwo Apple yari yasabye abakoresha ibikoresho byayo kuvugurura ikoranabuhanga ryabo na bwo ivuga ko ari ikibazo cyari cyagaragaye gishobora guha urwaho abajura bo kuri murandasi, nyuma y’uko ibigo bya Google na Microsoft bifatanyije mu kuvumbura amayeri ari gukoresha n’abo bagize ba nabi.

Abakoresha iPhones basabwe kuvugurura ikoranabuhanga rya telefoni zabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .