00:00:00 IGIHE NETWORK KN KINYARWANDA EN ENGLISH FR FRANCAIS

Apple yashyize hanze ibikoresho bishya birimo iPad Pro na mudasobwa za iMacs z’amabara atandukanye

Yanditswe na Muhonzire Sylvine
Kuya 21 Mata 2021 saa 02:07
Yasuwe :
0 0

Uruganda rwa Apple rwamamaye mu gukora ibikoresho by’ikoranabuhanga bitandukanye, rwashyize ahagaragara ubwoko bushya bwa iPad Pro, mudasobwa za iMacs zikunda gukoreshwa mu gutunganya amashusho zifite amabara atandukanye, telefone za iPhone zifite ibara rya move n’ibindi.

Ibi byose byashyizwe ahagaragara kuwa Kabiri tariki 20 Mata 2021, aho uru ruganda kandi rwashyize hanze agakoresho ka Airtag kagufasha gushaka ibintu byatakaye na televiziyo zerekana amashusho ya 4K zifite telekomande za Siri Remote zifite umwihariko wo kuba wakoresha ijwi ushaka kugira icyo uhindura kuri Televiziyo yawe.

Dore tumwe mu dushya ibi bikoresho byashyizwe hanze n’uruganda rwa Apple bifite

-  iPad nshya

Izi iPad z’ubwoko bushya zashyizwe hanze, zifite ubushobozi bwo kwihuta cyane, zakira internet ya 5G nayo yihuta bidasanzwe, umuntu ashobora kuzicomekaho ibikoresho by’ikoranabuhanga birenze kimwe ndetse zifite urumuri rwo muri tableaux rufite ikoranabuhanga rirenze iry’izindi iPad.

Zifite Camera ziteye imbere, zifite ubushobozi bwo gukora amashusho meza, ndetse ku bantu bakora inama bifashishije ikoranabuhanga, izi iPad zabazaniye udushya, aho zifite ikoranabuhanga ryitwa Center Stage rituma mu gihe uri gukoresha camera mu nama, isura yawe ituzura muri camera ahubwo izajya isubira inyuma ikagaragara neza nta ruhare wabigizemo.

Izi iPad zizatangira kugurishwa tariki 30 Mata 2021 uyu mwaka, zigurishwa amadolari 799, hafi ibihumbi 800 Frw.

-  Mudasobwa za iMac zifite amabara atandukanye

Mudasobwa za iMac zari zisanzwe zimenyerewe ku ibara ry’umweru, uretse kuba zifite amabara atandukanye zifite n’undi mwihariko utandukanye n’izari zisanzwe.

iMac zashyizwe hanze, zifite ubwoko bushya mwa M1 Chip umuntu yakwita nk’icyumba cy’ikoranabuhanga rya musadobwa, aho ifite ‘système’ ituma mudasobwa idashyuha, itume yihuta cyane birenze ibisanzwe ndetse izatuma uyifite agira ubushobozi bwo gukoresha porogaramu za iPhone muri iyi mudasobwa zirimo Zillow na Headspace n’utundi dushya twinshi.

Izi mudasobwa zifite uburebure bwa cm 60, pixel miliyoni 11.3, ziri mu mabara arindwi, harimo umutuku, icyatsi na move byose byerurutse,

iMac zizajya ku isoko mu matariki yo hagati muri Gicurasi, iziri muri aya amabara atatu zizaba zigurishwa amadolari 1.499 ( hafi miliyoni 1,5 Frw ), mu gihe iziri mu yandi mabara ane asigaye zizagurishwa 1.299$ (hafi miliyoni 1,2 Frw ).

Agakoresho gafasha mu kubona ibintu byatakaye, AirTag

Uruganda rwa Apple rwashyize hanze agakoresho ka Airtag rutari rusanzwe rufite, gakoreshwa mu kubona ibintu byatakaye. Ugafatisha ku kintu runaka kagafasha kukibona mu gihe cyatakaye.

Ushobora kugashyira ku mfunguzo, ku ikofi, kuri mudasobwa cyangwa se ku modoka. Iyo wagahuje n’uburyo bwa Apple bwitwa ‘Find My app’ ushobora kubona icyo wataye udataye umutwe.

AirTag za Apple zifite ubushobozi bwo kutangizwa n’amazi, cyangwa ivumbi, gakozwe ku buryo iyo wabuze ikintu (kariho) kavuga mu ijwi riranguruye ukabasha kukibona.

Aka gakoresho kari gasanzwe gasohorwa n’uruganda rwa Samsung, Sony na Tile, uruganda rwa Apple ruzagashyira ku isoko tariki 30 Mata 2021, kamwe kagura 29$ (hafi ibihumbi 30 Frw) mu gihe tune tuzagurwa 99$ (hafi ibihumbi 100 Frw).

Si ibi gusa kandi uru ruganda rwasohoye na Televiziyo z’ubwoko bushya zibasha kwakira amashusho ya 4K, zifite telekomande ya Siri Remote, ikozwe muri aluminium 100%. Izashyirwa ku isoko ku itariki 30 Mata 2021, aho izifite ububiko bungana na 32 GB zizaba zigura 179$ naho izifite 64GB zigure 199$

Hasohowe kandi na iPhone 12 na iPhone 12 mini ziri mu ibara rya move, ziyongera ku zari zifite amabara y’ubururu, icyatsi, umukara n’umweru. Izatangira kugurishwa ku itariki 30 Mata 2021, amadolari 799 (hafi ibihumbi 800 Frw).

Apple yasohoye iMacs ziri mu mabara agera kuri arindwi, mu gihe zari zimenyerewe mu ibara ry'umweru
AirTag za Apple zizatangira kugurishwa 30 Mata, imwe igura amadolari 29, enye zigure 99
Udukoresho rwa AirTag dushobora no gukoreshwa nka porte-clés
Uruganda rwa Apple rwashyize hanze iPad nshya zikoresha internet ya 5G

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .