Yabitangarije mu kiganiro yagiranye na Financial Times, agaragaza ko amategeko mashya ya EU agenga ikoreshwa ry’ikoranabuhanga ry’ubwenge buhangano (AI) ari gukoma mu nkokora ihangwa ry’ibishya no guca intege abashora imari mu Burayi.

Nyuma y’uko hashyizweho amategeko rusange agenga ikoreshwa rya AI, EU yahise ihura n’ibibazo bikomeye cy’ibihugu biyigize.

Amategeko ya EU kuri AI yatangiye kubahirizwa muri Kanama 2025. Ashingiye kuri porogaramu z’iri koranabuhanga rigezweho.

Avuga ko abazubaka bashaka kuzigurisha mu bihugu bya EU bakwiriye kugaragaza neza uko zikora, kubahiriza uburenganzira ku bihangano n’amategeko abigenga, porogaramu za AI zikomeye zo zishyirirwaho amategeko akakaye, hagamijwe kugira ngo amategeko yubahirizwe.

Abaturage n’abashoramari bagaragaje impungenge ko ikiguzi cyo kubahiriza ayo mategeko kiri kudindiza ihangwa ry’ibishya no guca intege ishoramari, ku buryo kubika amakuru yose mu Burayi bigoranye.

Ni igitutu cyakurikiwe no kunengwa gukomeye kwa Leta Zunze Ubumwe za Amerika ndetse n’ibigo bikomeye by’ikoranabuhanga byo muri Amerika, byavuze ko ayo mategeko ari kubangamira ibigo bya Amerika mu buryo budakwiye.

De Bruycker ati “Twabuze uburyo bwose bwo kubika amakuru ku ikoranabuhanga, twatakaje internet. Ndamutse nshaka amakuru 100% muri EU byaba bisa nko kurota.”

De Bruycker yagaragaje ko EU ishobora gusigara inyuma mu ikoranabuhanga, mu gihe yakomeza kwishingikiriza ku bigo byo muri Amerika.

Asaba ko EU yashyigikira imishinga y’abikorera mu kwiyubakira ububiko bw’amakuru yo kuri internet.

Ati “Aho gushyira imbaraga mu guhagarika ibigo bitanga serivisi zo kubika amakuru byo muri Amerika, twubake ibyacu bwite.”

EU ikomeje kugorwa no kubura aho ibika amakuru yayo mu by’ikoranabuhanga