00:00:00 IGIHE NETWORK KN KINYARWANDA EN ENGLISH FR FRANCAIS

Imishinga y’Abanyarwanda muri 31 nyafurika igamije guteza imbere imijyi

Yanditswe na Iradukunda Serge
Kuya 30 Nzeri 2021 saa 09:00
Yasuwe :
0 0

Imishinga y’Abanyarwanda yagaragaye muri 31 yatoranyijwe muri gahunda ya ‘Smart Cities Innovation Programme’ igamije gushyigikira no kuzamura imishinga mito y’Abanyafurika, igaragaza ubushobozi bwo kugira uruhare mu iterambere ry’imijyi igezweho n’ubukungu budaheza.

‘Smart Cities Innovation Programme’ ni gahunda yatangijwe na Leta y’u Rwanda binyuze muri Minisiteri y’Ikoranabuhanga ku bufatanye n’Umuryango Mpuzamahanga w’Abadage wita ku Iterambere (GIZ).

Imishinga itoranywa muri iyi gahunda iba iri mu byiciro bitatu byose bihurije ku kubaka imijyi igezweho. Ibi byiciro ni imishinga iteza imbere ikoranabuhanga ritangiza ibidukikije n’imiturire igezweho, uburyo bw’ingendo bugezweho n’iteza imbere serivisi z’imari zigerwaho na bose.

Mu mishinga irenga 300 yari yoherejwe hatoranyijwemo 31 iri muri ibi byiciro bitandukanye.

Mu cyiciro cy’imishinga iteza imbere uburyo bw’ingendo bugezweho hatoranyijwe itandatu yo muri Kenya ariyo, Kiri EV, Mazi Mobility, Instadriver, BasiGo, Smatbeba, e-safiri, na Expendo.

Harimo kandi iyo mu Rwanda nka Digital Blind Walking Stick, Gura Universal Link na n’uwa STES Group Limited.

Digital Blind Walking Stick ni umushinga wakozwe n’Abanyarwanda barangije muri IPRC Ngoma, aho bakoze inkoni y’ikoranabuhanga ishobora kwifashishwa n’abafite ubumuga bwo kutabona ikabarinda impanuka.

Indi mishinga yatoranyijwe muri iki cyiciro harimo EWarren Financial Services wo muri Côte d’Ivoire, Transport for Cairo wo mu Misiri, Optimalogistic wo muri Tunisia, Tuverl wo muri Zimbabwe na KaCyber Security Tech wo muri Uganda.

Mu cyiciro cy’imishinga iteza imbere ikoranabuhanga ritangiza n’imiturire igezweho hatoranyijwe Urbany Africa wo mu Rwanda, Dove Air wo muri Afurika y’Epfo, EcoPlastile wo muri Uganda, Messibat wo muri Côte d’Ivoire na Scrapays, Koolboks, Gas360n yose yo muri Nigeria.

Mu cyiciro cy’imishinga iteza imbere serivisi z’imari zigerwaho na bose harimo Mopay wo mu Rwanda, Flow na Payclide yo muri Uganda, Angle Dimension wo muri Malawi, Insure Pay wo muri Zambia, Cladfy na Digiduka yo muri Kenya.

Ba nyiri mishinga yatoranyijwe bamara amezi atandatu bahabwa amahugurwa n’inzobere zitandukanye, bafashwe kandi kurushaho kuyishyira mu bikorwa no kuyibonera abashoramari bashobora kwemera kuyishoramo kugira ngo irusheho kugira imbaraga.

'Digital Blind Walking Stick' ni umwe mu mishinga y'Abanyarwanda yatoranyijwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .