LG yahagaritse gukora telefone ngendanwa

Yanditswe na Mutangana Gaspard
Kuya 5 Mata 2021 saa 07:51
Yasuwe :
0 0

Uruganda rwa LG rwo muri Koreya y’Epfo rutunganya ibikoresho by’ikoranabuhanga bitandukanye, rwahagaritse ibyo gukora telefone zigendanwa.

Itangazo rya LG rivuga ko uru ruganda rwahagaritse gutunganya telefone zigendanwa, rukaba rugiye kwibanda mu gukora indi bikoresho by’ikoranabuhanga.

Uretse gutunganya telefone zigendanwa, uru ruganda rukora televiziyo za rutura, ibirahure bya telefone, batiri zo mu modoka, radiyo zo mu modoka n’ibindi.

Telefone za LG zakozwe ziri ku isoko zizakomeza gucuruzwa kugeza zishize. Ibikoresho by’izi telefone nka batiri na porogaramu zazo bizakomeza kuboneka ku babikeneye.

Abasanganywe telefone za LG bazahabwa ubufasha buri mo kuvugururirwa ikoranabuhanga telefone zabo zifashisaha bitewe n’aho umuntu aherereye.

Biteganyijwe ko tariki 31 Nyakanga 2021 aribwo ishami rya LG rikora telefone rizafunga imiryango. Ntabwo haramenyekana umubare w’abakozi bazagirwaho ingaruka n’iki cyemezo.

Uru ruganda rufashe umwanzuro wo guhagarika gukora telefone zigendanwa nyuma y’uko bivuzwe ko rwari rwaratakaje abakiliya benshi, kuko telefone ziri kugurwa cyane ari iz’inganda nka Apple na Samsung.

Kuba mu mpera za 2020, LG yagurishije telefone miliyoni 23, byagaragaje ko isigaranye 2% mu ruhando mpuzamahanga rw’inganda zicuruza telefone zigendanwa.

Mu 2013, LG yari iya gatatu ku rutonde rw’inganda zacuruzaga telefone zigendanwa, aho yari yihariye 10% by’abagura telefone zigendanwa.

Uru ruganda rwiyongereye ku zindi nka Nokia na Blackberry zahoze zitunganya zikanacuruza telefone zigendanwa, ariko nyuma zikaza kubivamo.

Biteganyijwe ko tariki 31 Nyakanga 2021 aribwo ishami rya LG rikora telefone rizafunga imiryango

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .