Ni nyuma y’uko kuva muri 2022, iki kigo cyagiye kigaragaza ubushake mu kugura iyi sosiyete ariko hakabonekamo za birantega nyinshi.

Hari hagaragajwe impungenge ko mu gihe iki kigo cyakwegukana ‘Activision Blizzard’, imikino yose ikora yazajya iboneka gusa kuri Xbox, mu gihe hari abandi bayikeneye bakoresha Play Station, Nintendo Switch n’ubundi buryo buhari butandukanye.

Ikigo Gishinzwe Ipiganwa n’Amasoko mu Bwongereza, cyatangaje ku kuri ubu ‘Activision Blizzard’ bidasubwirwaho yeguriwe Microsoft.

Umuyobozi mukuru wa Activision Blizzard, Bobby Kotick, nyuma yo gutangaza igurishwa ry’iki kigo, mu ibaruwa yandikiye abakozi bacyo yavuze ko ku mpera z’uyu mwaka azahita yegura ku mirimo ye.

Kuri ubu Ikigo Microsoft nicyo kigiye kuyobora imikino itanduaknye ya Call of Duty, World of Warcraft na Candy Crush. Byitezweho ko izacyinjiriza amafaranga menshi cyane.

Activision Blizzard yaguzwe miliyari 69$