Sora yatangijwe mu Ukuboza mu 2024 yakirwa neza, gusa igenda isigara inyuma ugereranyije n’izindi porogaramu zikora amashusho nka Veo ya Google na Luma Ray.
Mu rwego rwo kongerera imbaraga iyi porogaramu, OpenAI yasinyanye amasezerano na Disney afite agaciro ka miliyari 1$ mu Ukuboza 2025.
Aya masezerano yagombaga kumara imyaka itatu, yemereraga abakoresha iyi porogaramu gukora amashusho bakoresheje abakinnyi n’amashusho y’ibyamamare bya Disney.
Muri Gashyantare 2026, Umuyobozi Mukuru wa Disney, Bob Iger, yumvikanye ashima ubu bufatanye.
Ubu OpenAI irimo gukoresha amafaranga menshi cyane ku kigero cya miliyari 1$ buri kwezi, bikaba byabaye intandaro y’icyemezo cyo kuva burundu mu bucuruzi bwo gukora amashusho.
Umuvugizi wa Disney yemeje ko aya masezerano yarangiye, avuga ko bubashye amahitamo ya OpenAI yo kwerekeza amaboko ahandi.
OpenAI yavuze ko mu munsi iri imbere izatangaza uburyo abantu bashobora kubona amashusho yabo bakoze mbere.
TANGA IGITEKEREZO
AMATEGEKO AGENGA IYANDIKA RY'IGITEKEREZO CYAWE
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni, Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe. Ibi bidakurikijwe igitekerezo cyanyu gishobora kutagaragara hano cyangwa kigasibwa.
Igitekerezo cyawe kigaragara nyuma y'isuzuma rikorwa na IGIHE.com , Murakoze!