iFixit, izwi mu gusuzuma ibikoresho by’ikoranabuhanga, yafashe T1 Phone irayisuzuma iyigereranya na HTC U24 Pro. Iyi sosiyete yakoresheje ibyuma bya CT scanner, isenya izo telefone zombi, ndetse inagerageza gushyira ibice bya HTC mu gikanka cya T1 Phone, isanga bishobora gukora nk’uko bisanzwe.

Ibyavuye muri iri sesengura byagaragaje ko izi telefone zombi zifite ibice byinshi bihuriyeho, birimo imiterere y’inyuma, ibyuma by’imbere, umwanya wa écouteur ndetse n’ahashyirwa microSD card.

Hari utuntu duke twagaragaye dutandukanye. Flash ya camera yimuwe gato, umwanya w’indangururamajwi urahindurwa, mu gihe chip ibika amakuru ya T1 Phone yatanzwe na Micron, iya HTC U24 Pro ikaba yarakozwe na SK Hynix. Bateri ya T1 Phone na yo ngo ni nini ho gato kandi yakorewe muri Philippines.

Urubuga rwa T1 rwigeze kuvuga ko ari telefoni “yakorewe muri Amerika”, nubwo isesengura rishya rigaragaza ko ifitanye isano ya hafi cyane na HTC U24 Pro, telefoni y’uruganda rwo muri Taiwan.

Byatahuwe ko telefoni za Trump zakozwe higanywe iza HTC

Izi telefoni zombi zitandukanira ku mwanya wa camera gusa n'utundi tuntu duke ahandi hose ni zimwe