Tesla igiye gutangira gucururiza imodoka zikoreshwa n’amashanyarazi mu Buhinde

Yanditswe na Ntabareshya Jean de Dieu
Kuya 29 Ukuboza 2020 saa 09:49
Yasuwe :
0 0

Minisitiri w’Ubwikorezi mu Buhinde, Nitin Gadkari, yavuze ko Sosiyete ikora imodoka zikoresha amashanyarazi, Tesla, izatangira gucuruza imodoka zayo muri icyo gihugu mu mwaka utaha.

Hirya no hino ku Isi hafatwa ingamba zo kugabanya ibikoresho bitanga imyuka ihumanya ikirere mu kurushaho kubungabunga ibidukikije.

Mu rwego rw’ubwikorezi, hari kwimakazwa ikoreshwa ry’ibinyabiziga bikoresha amashanyarazi mu kwirinda ko bisohora imyuka ihumanya ikirere.

Minisitiri Nitin Gadkari yabwiye CNN ko nyuma yo gutangiza amashami yayo y’ubucuruzi, Tesla iri “kwiga uko yatangiza ibikorwa hano [mu Buhinde].’’

Tesla ntacyo iratangaza kuri aya makuru gusa ubwo yabazwaga n’umwe mu bakoresha Twitter, Umuyobozi wayo, Elon Musk, yavuze ko izahakorera nubwo bishobora kurenga Mutarama 2021.

Guverinoma y’u Buhinde yashyizeho intego yo kugabanya ikoreshwa ry’ibinyabiziga bikoresha ibikomoka kuri peterori, biha amahirwe ibigo bikora imodoka zifashisha amashanyarazi kwakirwa neza ku isoko.

Umwaka ushize nibwo Hyundai yerekanye ku mugaragaro, ku isoko ry’u Buhinde imodoka ikoresha amashanyarazi “The Hyundai Kona Electric”.

Icyo gihe uru ruganda rwo muri Koreya y’Epfo rwashimiye u Buhinde ko ari igihugu kiri kwinjira mu bihe bishya bijyanye n’imodoka cyifuza.

Ureste Hyundai hari na sosiyete izanzwe ikora iby’imodoka mu Buhinde ya Mahindra nayo yatangiye gucuruza ubu bwoko bw’imodoka cyo kimwe na Tata, MG Motor na Mercedes-Benz.

Sosiyete ya Tesla igiye gutangira gucururiza imodoka zikoreshwa n’amashanyarazi mu Buhinde

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .