Nyuma y’iki cyemezo, Twiter igiye guhatira uyu muherwe kuyigura binyuze mu nkiko.

Muri Mata uyu mwaka, Musk yari yemeye kugura Twitter gusa aza kwisubiraho ku munota wa nyuma avuga ko yahawe amakuru atari yo kuko yasanze uru rubuga rufite konti nyinshi za baringa.

Yahise avuga ko adashaka kugura uru rubuga gusa benerwo bavuga adashobora kwikura mu masezerano yari yaremeye mbere.

Twitter ivuga ko ibyo Musk ayishinja atari ukuri kuko ifite konti ziri munsi ya 5% za baringa. Gusa uyu muherwe we avuga ko uwo mubare uri hejuru kurenza uvugwa.

Magingo aya, Twitter ibarirwa agaciro ka miliyari 32$, kari hasi y’igiciro abanyamigabane bayo bifuza kuyigurishaho.

Elon Musk yahatiwe kugura Twitter