Bibaye ubwa mbere akayabo kangana gutya gashyirwa ku meza mu rwego rwo kugura sosiyete ikora ibyerekeranye n’ikoranabuhanga.

Mu kubasha kugura EMC, Dell igiye guhindura umurongo yari isanzwe izwiho wo gukora no gukwirakwiza za mudasobwa, ku buryo igiye guhinduka sosiyete ikora ibikoresho bitandukanye bijyanye n’ikoranabuhanga. Uku gihindura icyerekezo kwa Dell kwatangiye mu mwaka wa 2009 ubwo yaguraga indi sosiyete yitwa Perot Systems ku kayabo ka miliyari 4 z’amadolari y’Amerika.

EMC ni imwe muri sosiyete nini ku isi zikora ibikoresho byifashishwa mu bubiko [data storage]. Ikora servers ndetse ikaba inasanzwe ifite sosiyete izwi nka RSA nayo izobereye mu bijyanye n’umutekano mu ikoranabuhanga.