Byagaragajwe n’ubushakashatsi ngarukamwaka bukorwa na Burson-Marsteller’s Twiplomacy ku buryo abantu bakomeye ku isi bakoresha urubuga rwa Twitter.
Perezida Kagame ahiga abandi bayobozi bo ku isi kuganira n’abamukurikira ku kigero cya 86%.
Ubu bushakashatsi bwakozwe kuri Twitter za Guverinoma 669 mu bihugu 166 bwerekana ko 86% by’ibihugu 193 bigize Loni bigaragara kuri Twitter mu gihe ibihugu 27 ku isi byiganje muri Afurika na Aziya byo nta konti ya Twitter bigira.
Abakuru b’ibihugu na za Guverinoma 172 bakaba bafite konti za Twitter.
Mu kuganira n’abamukurikira (Followers), Perezida Kagame ahiga abandi bayobozi bose bo ku Isi ku kigero cya 86% mu gihe Minisitiri w’Intebe wa Norvège, Erna Solberg, aza ku mwanya wa kabiri ku kigero cya 73%.
Perezida wa Equateur, Rafael Correa akurikiranye na Minisitiri w’Ububanyi n’Amahanga w’u Rwanda, Louise Mushikiwabo aho umwe ari ku kigero cya 71% undi kuri 70%.
Mu gihe Perezida wa Leta zunze Ubumwe za Amerika, Barack Obama, ariwe wa mbere ukurikiwe ku rubuga nkoranyambaga rwa Twitter n’abantu benshi ku Isi, Perezida Kagame nawe ni uwa mbere muri Afurika aho akurikirwa n’abasaga ibihumbi 960 (followers).
Perezida wa Kenya, Uhuru Kenyatta aramukurikira muri Afurika n’abantu basaga ibihumbi 820 mu gihe Perezida wa Afurika Y’epfo ukurikirwa ibihumbi 410.
Twitter ni urubuga nkoranyambaga rukunze gukoreshwa cyane n’abantu bo mu nzego zo hejuru ku isi. Ni rumwe mu zifatwa nk’iziyubashye. Rwatangijwe tariki ya 21 Werurwre 2006.
Twitter: @NtakirutaDeus
TANGA IGITEKEREZO