Abantu 700, 200 bakurikirana amakuru ya Perezida wa Repubulika y’u Rwanda, Paul Kagame ku rubuga rwa Twitter; n iwe mukuru w’igihugu ukurikirwa na benshi muri Afurika, Uhuru Kenyatta wa Kenya, ukurikirwa na 629, 426 akamugwa mu ntege.

Ariko kuva yagera kuri Twitter muri Gicurasi 2009 kugeza muri iki cyumweru, ntiyigeze akurikira amakuru y’umuntu n’umwe kuri urwo rubuga.

Iyo ukurikiye umuntu ku rubuga rwa Twitter ubona amakuru cyangwa ibitekerezo byose aba yashatse gutangaza abinyujije kuri urwo rubuga.

Ikinyamakuru The New Times kivuga ko ibintu byahindutse ku buryo butunguranye kandi bwihuse, urukuta rwe (@PaulKagame) na rwo rwatangiye gukurikira abantu batandukanye kuva ku wa gatatu w’iki cyumweru.

Kuri ubu Perezida Kagame amaze gukurikira abantu 36

Babiri ba mbere yakurikiye, nta shiti ko ari abana be Ivan na Ange. Yakurikijeho Imbuto Foundation, umuryango w’ubugizi bwa neza washinzwe kandi uyobowe n’umugore we, Jeannette Kagame, Perezida Yoweri Museveni wa Uganda na Uhuru Kenyatta wa Kenya.

Yakurikiye kandi Perezida Macky Sall wa Senegal, n’izindi nshuti zikomeye z’u Rwanda.

Kuba umubare w’abo perezida Paul Kagame arimo gukurikira kuri Twitter urimo kwiyongera bishobora kwerekana mu by’ukuri ibimushimisha n’ibimuraje ishinga.

Ushishoze neza ku nkuta za Twitter Perezida Kagame amaze gukurikira usanga akunda ibijyanye n’ubukungu, ibaruramari, iterambere rya muntu, ubuzima, Ikoranabuhanga na dipolomasi.

Perezida Kagame aherutse gutangaza ko nubwo atakurikiranaga amakuru y’abandi kuri Twitter yashoboraga kumenya isaha ku isaha ibibera ku mbuga nkoranyambaga abibonye ku bamukurikira.

Konti za Twitter Perezida Kagame akurikira

1. Ivan Kagame (@ivan_k23)

2. Ange.I.Kagame (AngeKagame)

3. Imbuto Foundation (@Imbuto)

4. Yoweri K Museveni (@KagutaMuseveni)

5. Uhuru Kenyatta (@UKenyatta)

6. Chelsea Clinton (@ChelseaClinton)

7. Macky Sall (@macky_sall)

8. Presidence Mali (@PresidenceMali)

9. Jose Manuel Barroso (@JMDBarroso)

10. Philip Hammond (@PHammondMP)

11. Michaelle Jean (@MichaelleJeanF)

12. Bill Gates (@BillGates)

13. Mike Bloomberg (@MikeBlommberg)

14. Tony O. Elumelu, CON (@TonyOElumelu)

15. ITU Sec Gen’s Office (@ITUSecGen)

16. Helen Clark (@HelenClarkUNDP)

17. Michel Sidibe (@MichelSidibe)

18. United Nations (@UN)

19. Milken Institute (@MilkenInstitute)

20. AfDB_Group (@AfDB_Group)

21. ITU (@ITU)

22. Broadband Commission (@UNBBCom)

23. Partners in Health (@PIH)

24. Government of Rwanda (@RwandaGov)

25. Rick Warren (@RickWarren)

26. Ashish J. Thakkar (@AshishJThakkar)

27. Jeffrey D. Sachs (@JeffDSachs)

28. Grace Hightower (@Grace_Hightower)

29. Strive Masiyiwa (@StriveMasiyiwa)

30. Africa Leadership Network (@Prosper4Africa)

31. Global Citizen (@GlblCtzn)

32 Jendayi E Frazer ( @JendayiFrazer)

33. Jared Cohen (@JaredCohen)

34. Clinton Foundation (@ClintonGlobal)

35. World Economic Forum (@wef)

36. Rabbi Shmuley (@RabbiShmuley)