Mu ntangiriro za Nyakanga 2025, Jack Dorsey, uri mu batangije urubuga rwa Twitter, ni bwo yubatse uru rubuga rushya rwo kohererezanya ubutumwa. Bitchat ikoresha ikoranabuhanga rya Bluetooth.

Ibi bivuze ko abarukoresha bagomba kuba begeranye byibuze mu ntera itarenga metero 100. Ntabwo ikoresha umuyoboro uwo ari wo wose w’itumanaho cyangawa Wi-Fi.

Kuyikoresha ntibisaba umwirondoro. Bisaba gufungura urubuga gusa, ugahita ubona abarukoresha bakwegereye ku buryo ushobora kubandikira. Rugira uburyo bwo gushyiraho no guhindura ifoto ikuranga.

Dorsey avuga ko uru rubuga rwafasha cyane ahantu hakunze kuba ibibazo by’ihuzanzira nk’ahaba hakoraniye abantu benshi nko mu birori binini cyangwa mu gihe cy’ibiza aho imiyoboro y’itumanaho iba yangiritse.

Kugeza ubu uru rubuga ntiruboneka kuri PlayStore ariko abakoresha telefoni za Android bashobora kurubona ku rubuga rwa GitHub.

Dorsey avuga ko uru rubuga rwafasha cyane ahantu hakunze kuba ibibazo by’ihuzanzira