Urubuga rwa Startimes ON rwatangiye kwerekana film z’uruhererekane zikunzwe cyane za Fox

Yanditswe na Evariste Nsengimana
Kuya 5 Mata 2019 saa 04:30
Yasuwe :
0 0

Urubuga rwa StarTimes ON rwatangiye kwerekana filimi zose z’uruhererekane zikunzwe zinyura kuri televiziyo y’Abanyamerika ya Fox, zirimo nk’iyitwa Walking Dead na Empire.

StarTimes ON ni porogaramu [App] ya Sosiyete ya StarTimes iboneka kuri Google Play na App Store, ishyirwa muri telefone zigezweho, igafasha abantu kureba video zinyura kuri televiziyo zitandukanye.

Uretse Walking Dead na Empire, guhera muri Werurwe 2019 kuri StarTimes On hatangiye kugaragaraho n’izindi film z’uruhererekane zikunzwe zirimo 24, X-files, Outcast, Bones, American Dad, Modern Family, Ghosted, Chance, Star na family Guy.

Startimes On kandi izatangira kugaragaraho film z’uruhererekane zirimo Legion, Prison Break, Homeland, Atlanta, American Horror Story, Wayward Pines, Da Vinci’s Demons, Futurama, The Americans, Sleepy Hollow, Bob’s Burger, Scream Queens, Rosewood, Baskets, 24 Legacy, Son of zorn na The Gifted muri Mata, Gicurasi na Kamena.

Umuyobozi ushinzwe Ibikorwa muri StarTimes On, Ariel Wang, yagize ati “Twishimiye kuzanira abakiliya bacu film z’uruhererekane za Fox+ kandi nizeye ko abakunda izo kuri televiziyo zo muri Amerika bazaryoherwa nazo kuri Startimes ON.”

Wang yavuze ko StarTimes ON izakomeza kuzana film z’uruhererekane zikunzwe ku rwego mpuzamahanga no muri Afurika.

StarTimes ON ikora mu ndimi enye zirimo Igifaransa, Icyongereza, Igiswahili n’ururimi rukoreshwa muri Portugal. Ifite shene zisaga 150 zishyirwaho amashusho ari mu ndimi 10.

Zimwe muri televiziyo mpuzamahanga ushobora gusangaho ibiganiro na film byazo kuri StarTimes ON harimo nka Fox News, BBC World News, France 24, Bloomberg, AMC Movies, Fox Life, Passions TV, Baby TV na NGC. Naho mu Rwanda harimo TVR ariko TV1 na TV10 nazo zizashyirwaho vuba.

StarTimes ON yerekana video ngufi n’indende z’ubwoko butandukanye zirimo iz’imbonankubone n’izafashwe kera, zivuga ku mikino, film z’uruhererekane, indirimbo, film mbarankuru, iz’abana n’izindi.

Yerekana kandi imbonankubone shampiyona z’umupira w’amaguru zitandukanye zirimo iyo mu Budage (Bundesliga), u Bufaransa (Ligue 1), UEFA Europa n’indi mikino nka boxing, rugby, basketball na cricket cyangwa igasubizamo ibice by’ingenzi byayiranze.

StarTimes ON yashinzwe ku wa 26 Ugushyingo, imaze kugira abakiliya basaga miliyoni 12 muri Afurika gusa.

Urubuga rwa Startimes ON rwatangiye kwerekana film z’uruhererekane zikunzwe cyane zinyura kuri Fox

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza