Kigali live ifite ikoranabuhanga ridasanzwe aho usanga ibintu byose ahantu hamwe televiziyo zitandukanye, amakuru, umuziki, filime nyarwanda, urwenya, ijambo ry’Imana ndetse n’ijambo rya Perezida Kagame yagiye avuga mu bikorwa bitandukanye.

Iyi application yakozwe n’ikigo cya AfrikaStream, kikaba cyarafatanije n’ibigo bitandukanye biri ku isonga mu gutanga amakuru nka IGIHE, RBA/RTV, TV 10, Royal TV, BTN, Afrifame, Inyarwanda, hamwe n’ibindi bigo byinshi kugirango kigezeho abanyarwanda amakuru,indirimbo,byendagusetsa,filime n’ibindi byinshi bitandukanye kandi bifite umwimerere.

Mu kiganiro n’abanyamukuru, Steve Ntwari, umuyobozi ushinzwe ibikorwa muri AfrikaStream yavuze ko ko iyi porogaramu izaha amahirwe abanyarwanda baba hanze kugirango bakurikiranire hafi ibibera mu rugo ndetse n’andi makuru atandukanye.

Ifatanije na MTN Rwanda, AfrikaStream yashyize hanze application ya MTN TV ifite abafatabuguzi benshi bishimira inkuru n’amashusho agezweho kandi agaragara neza mu buryo buhendutse kandi bwihuse.

Application ya MTN TV igenewe abafatabuguzi ba MTN baba mu Rwanda gusa ibi bikaba byemerera abantu bayikoresha kwishyura amafaranga make,cyane banakoresha internet yihuse.

Application ya Kigali Live wayibona kuri Google Play Store kubakoresha Android naho abakoresha IOS bazabasha kuyitunga mu gihe kiri imbere.