00:00:00 IGIHE NETWORK KN KINYARWANDA EN ENGLISH FR FRANCAIS

Facebook yasobanuye impamvu abayikoresha bamara umuriro wa telefoni vuba

Yanditswe na

Habyarimana Froduard

Kuya 24 October 2015 saa 08:02
Yasuwe :

Benshi mu bakoresha telefone zibafasha kugera ku mbuga nkoranyambaga nka Facebook bakunze kwinubira ko igihe bakoresha uru rubuga telefone zabo zishiramo umuriro vuba, biterwa n’uko Facebook igira agapororgaramu ka CPU spin kayifahs gutegereza icyo uyisabye na porogaramu iyifasha gushaka amajwi, ugasanga byatwaye umuriro kuruta uko babitekerezaga.

Mu minsi ishize hirya no hino ku isi, cyane cyane ku nkuta nkoranyambaga hakunze kugaragara ubutumwa bw’abantu batandukanye binubiraga uburyo porogaramu ya Facebook isigaye ituma telefone zabo zishiramo umuriro mu buryo bwihuse.

Kuri uyu gatanu binyuze ku muyobozi wayo ushinzwe ishami rya tekinike Ali Grant Facebook yasobanuye ko icyateraga telefone gushiramo umuriro ahanini ari bimwe mu bice bigize progaramu yayo byagiye bishyirwamo mu rwego rwo kuyifasha igihe igize ikibazo.

Ati ”Muri iki cyumweru twagiye tubona ubutumwa bw’abantu batishimiye porogaramu yacu […] ubusanzwe hari agace ka porogaramu kayifasha kugaragara kuri telefone.
Kamwe mu duce twayo dufasha telefone gutegereza iyi porogaramu ndetse hari n’anagafasha telefone mu gushakisha ijwi twagize ikibazo tugakoresha umuriro mwinshi kuruta uko twabiteganyaga. CPU spin ni nk’umwana uhora abaza ngo tugeze he. Akongera ngo tugeze he kandi atari bugufashe kuhagera. Ibibazo bye ntacyo byongera mu rugendo.”

Akomeza avuga ko aha ariho umuriro wa telefone ugenda ushira wihuta mu buryo butari butegenyijwe.

“Ikindi gitera ikibazo ni igihe iyo umuntu ari gufunga amashusho yarebaga kuri facebook, agace gakora ibijyanye n’amajwi ko gasigara gakora nubwo kaba katagaragara. Bivuze ko nabwo Facebook iba igikora na telefone ikaba igikora bigatwara umuriro usigaye.”

Ali Grant akaba yahise atangaza ko ku munsi w’ejo hashize yasoje imirimo yayo yo gukora indi porogaramu nshya yisumbuye kuri iyo yari isanzwe aho noneho utwo duce twa porogaramu tuzajya dukora neza uko bisanzwe nta muriro dutwaye.

Kuri ubu umuntu wese ukora Facebook ushaka kubona porogaramu yayo nshya azajya ajya ahabarizwa porogaramu muri telefone ye akande kuri “Update facebook” bityo porogaramu nshya ibe igiyemo.

Ubusanzwe porogarame ya Facebook ukunzwe gusanga yiharira 30% by’umuriro wose telefone ikoresha. Nkuko ubushakashatsi bwashyizwe ahagaragara mu kwezi kwa werurwe 2015, bubigaragaza kugeza ubu abantu babarirwa kuri miliyari 1 na miliyoni 44 nibo bakoresha facebook buri kwezi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .