Alan Boileau wakoresheje amasaha atatu, iminota 28 n’amasegonda 45, yegukanye agace ke ka gatatu mu isiganwa ry’uyu mwaka nyuma yo gutwara aka kabiri i Huye n’aka gatatu i Gicumbi.

Byari ku nshuro ya gatatu Umujyi wa Nyagatare wahagurukiyemo agace ka Tour du Rwanda mu gihe ari ku nshuro ya kabiri hahagurukiye agace gasorezwa i Kigali nyuma y’ako mu 2009 kegukanywe n’Umunya-Maroc Lahsaini Mouhssine.

Eyob Metkel ukinira Terengganu Cycling Team, yambaye umwenda w’umuhondo nyuma yo kuba uwa gatatu, aho ku rutonde rusange amaze gukoresha amasaha 16, iminota 42 n’amasegonda atanu ku rutonde rusange, arusha amasegonda abiri Rodriguez Cristian Martin wa Direct Energie.

Tour du Rwanda 2021 izakomeza ku wa Gatanu tariki ya 7 Gicurasi 2021 hakinwa agace ka gatandatu kazahagurukira i Kigali (kuri Convention Centre) kagasorezwa Mont Kigali ku ntera y’ibilometero 152,6, ariko kanyuze i Gicumbi na Rulindo.

Amafoto na Video byaranze aka gace ka Nyagatare- Kigali

I Nyagatare ahahagurukiye agace ka gatanu hari hateguye

Prime Insurance ni umwe mu baterankunga ba Tour du Rwanda

Techno Market nayo iri mu bafatanyabikorwa b'ir rushanwa mpuzamahanga

Inyange Industries yaherekeje Tour du Rwanda 2021

Ingamba zo kwirinda COVID-19 zirimo gukaraba intoki zirubahirizwa

Visit Rwanda na Cogebanque byari aho abakinnyi bahagurukiye

Umunyamakuru akaba na MC, Bayingana David, ni ambasaderi wa Prime Insurance Ltd

Isiganwa ry'uyu munsi wa gatanu wa Tour du Rwanda 2021 ryanyuze ahantu hatambika cyane

Direct Energie na Israel Start-up Nation ni zo zari ziyoboye igikundi

Abakinnyi bane bacomotse ku kilometero cya kane kugeza bageze i Masoro (Kigali) bari bakiyoboye

Goeman (Tarteletto), Van Breussegem (Tarteletto), Holler (Bike Aid) na Mohd Zariff (Terengganu) bari basize igikundi

Isiganwa ryanyuze ahakorerwa ubworozi mu burasirazuba; imwe mu nka yitegereza abasiganwa

Team Rwanda, Benediction Ignite na SACA ni amakipe ahagarariye u Rwanda yagendaga akurikiranye

Abakinnyi ba SACA bagendera hamwe imbere y'aba Tarteletto-Isorex

MC Natete Brian ni umwe mu baba bamenyesha abari aho isiganwa risorezwa, uko gahunda zaryo zimeze

Cogebanque nka Banki Nyarwanda y’Ubucuruzi yaherekeje amagare binyuze muri Poromosiyo yise "Tugendane"

Umunyamabanga Uhoraho muri Minisiteri ya Siporo, Shema Maboko Didier, yitabiriye isozwa ry'agace ka gatanu

Mutzig yasimbuye SKOL mu baterankunga ba Tour du Rwanda

Brayan Sanchez wari wambaye umwenda w'umuhondo yari arinzwe na bagenzi be

B&B Hotels, Androni n'ikipe ya Eritrea zagendaga imbere y'amakipe yo mu Rwanda

Team Rwanda yagendaga hagati mu gikundi, ikurikiwe na Benediction Ignite ndetse na SACA

Abakinnyi banyuze hafi y'ikiyaga cya Muhazi

Alan Boileau wa B&B Hotels ni we wageze Kimironko ari imbere

Boileau amaze kwegukana uduce dutatu mu isiganwa ry'uyu mwaka

Uhiriwe Byiza Renus ntiyorohewe n'agace k'uyu munsi

Alan Boileau nyuma yo kwegukana agace ka gatanu kakaba aka gatatu atwaye mu isiganwa ry'uyu mwaka

Umunya-Eritrea Eyob Metkel ni we wambaye umwenda w'umuhondo

Lennert Teugels akomeje kwambara umwenda w'umukinnyi urusha abandi guterera imisozi

Lennert Teugels yambaye kandi umwambaro w'umukinnyi urusha abandi gukora 'sprint'

Nahom Zerai wo muri Eritrea ni we mukinnyi muto ukomeje kwitwara neza

Abaturarwanda babanzaga gusobanurirwa serivisi zitangwa na Cogebanque hanyuma bagafunguza na konti

Eyob Metkel yambaye kandi umwenda w'Umunyafurika mwiza

B&B Hotels yongeye guhembwa nk'ikipe yitwaye neza

Amafoto: Niyonzima Moïse na Igirubuntu Darcy

Video: Mushimiyimana Azeem