Uyu mukinnyi w’Umufaransa wavuye mu gikundi mu bilometero 20 bya nyuma agasatira abari imbere, yatanze abandi kugera i Karongi yashyizemo ikinyuranyo cy’amasegonda atanu hagati ye na Stewart Mark wa Bolton Equities wabaye uwa kabiri.

Ethan Vernon wabaye uwa mbere mu duce tubiri tubanza, ku wa Gatatu, tariki ya 22 Gashyantare, yabaye uwa kane yasizwe amasegonda arindwi, aza inyuma ya Vercher Matteo wa TotalEnergies, we wasizwe amasegonda atanu.

Bonnet w’imyaka 24, ni we wahise yambara umwenda w’umuhondo kuko amaze gukoresha amasaha 14, iminota 40 n’amasegonda 33, arusha amasegonda 20 Henok Mulueberhane wabaye uwa gatanu kuri iyi nshuro aho yasizwe amasegonda 31.

Muhoza Eric ukinira Bike Aid yo mu Budage, yongeye kuba Umunyarwanda witwaye neza uyu munsi, aba uwa 12 yasizwe amasegonda 31 kuko yaje mu gikundi cyarimo n’abandi barenga 20.

Umwongereza Chris Froome ukinira Israel-Premier Tech yabaye uwa 33 yasizwe amasegonda 37.

Ku rutonde rusange, Muhoza aracyari ku mwanya wa 11 aho arushwa amasegonda 31 mu gihe Froome arushwa umunota umwe n’amasegonda umunani.

Abakinnyi 81 ni bo basoje isiganwa ku wa Gatatu. Ni nyuma y’uko havuyemo Aiman Cahyadi wa Terengganu Polygon yo muri Malaysie.

Tour du Rwanda 2023 irakomeza kuri uyu wa Kane, tariki ya 23 Gashyantare, hakinwa Agace ka Gatanu gahagurukira i Rusizi kerekeza i Rubavu ku ntera y’ibilometero 195,5.

Rwarutabura usanzwe ufana Rayon Sports, ari kumwe na Canal + muri iri siganwa mpuzamahanga

Bamwe mu bakobwa bamamaza Mysol muri Tour du Rwanda 2023

Bella Flowers na yo yaherekeje Tour du Rwanda aho yerekeza hose

Ubwo imodoka zamamaza muri Tour du Rwanda zahagurukaga i Musanze zerekeza i Karongi

Umunyarwenya Clapton Kibonge ari kumwe na TechnoMarket muri Tour du Rwanda 2023

Abanyamakuru Imani Rabbin Isaac na Kanyamahanga Jean Claude 'Kanyizo' ni bamwe mu bari gukurikirana Tour du Rwanda 2023

Chris Froome na mugenzi we bakinana muri Israel-Premier Tech bagera ahatangiriye isiganwa

Chris Froome watwaye Tour de France inshuro enye, ari gukina Tour du Rwanda ku nshuro ya mbere

Ifoto yafashwe Chris Froome ahagaze hafi y'ikirango cya Visit Rwanda i Musanze

Abakinnyi bagize Ikipe y'Igihugu y'u Bwongereza

Maroc isigaranye abakinnyi bane mu isiganwa

Ikipe y'Igihugu y'u Bwongereza yerekwa Abanya-Musanze

Munyaneza Didier agerageza gufasha Main Kaint wa Afurika y'Epfo, bakinanye muri ProTouch

Meya w'Akarere ka Musanze, Ramuli Janvier, yitabiriye itangizwa rya Etape ya 4 ya Tour du Rwanda 2023

Ubwo abakinnyi biteguraga guhaguruka

Abakinnyi bava mu muhanda ugana i Yaounde i Musanze, bakata mu Kagari ka Ruhengeli ahatangiriye isiganwa

Unai Iribar wa Eustekel Euskadi yagiye anyuzamo akayobora isiganwa

Ubwo abakinnyi bakataga umuhanda ujya i Pfunda

Ku musozi wa Kivumu muri Karongi hari abafana benshi baje kwihera ijisho uko igare rinyongwa

Tour du Rwanda inyura ahari ibyiza bitandukanye birimo n'ibihingwa nk'icyayi

Ubwo abakinnyi binjiraga mu Ishyamba rya Gishwati

Mu isiganwa hagati, hari ababa bashinzwe guha amazi abakinnyi

Mu gikundi, abakinnyi bagendera hamwe mu makipe

Nsengimana Jean Bosco n'abakinnyi babiri ba May Stars bagerageza gukorana

Mbere yo kugera i Karongi mu Mujyi, abakinnyi banyuze hafi y'Ikiyaga cya Kivu

Thomas Bonnet mu byishimo nyuma yo kugera i Karongi ari uwa mbere

Henok Mulueberhane wari uwambaye umwenda w'umuhondo, yabaye uwa gatanu yasizwe amasegonda 31

Umufaransa Thomas Bonnet w'imyaka 24 ni we wegukanye Agace ka Kane ka Tour du Rwanda 2023 ka Musanze-Karongi

Thomas Bonnet arerekeza i Rubavu yambaye umwenda w'umuhondo

Marc Oliver Pritzen akomeje kwigaragaza nk'umuzamutsi mwiza

Fouche James akomeje kwambara umwambaro w'umukinnyi mwiza muri 'sprint'

Lecerf William Junior wa Soudal Quick-Step yahembwe nk'umukinnyi muto witwaye neza

Muhoza Eric ukinira Bike Aid ni we Munyarwanda mwiza kugeza ubu

Henok Mulueberhane ni we Munyafurika uhagaze neza mu isiganwa kugeza ubu

Arefayne Aklilu wa Eritrea yahembwe nk'umukinnyi wahatanye kurusha abandi

Stewart Mark wa Bolton Equities ni we wayoboye isiganwa igihe kirekire

TotalEnergies yabaye ikipe y'umunsi, ihembwa na Inyange Industries

Muri Tour du Rwanda 2023, hatangwa ubutumwa bwa Gerayo Amahoro bwa Polisi y'Igihugu

Amafoto: Yuhi Irakiza Augustin na Igirubuntu Darcy

Video: Mugisha Dua