Nk’uko byagenze i Rwamagana ku munsi wa mbere, Vernon yongeye gucika abandi ubwo bari kumwe mu gikundi mbere yo kurenga gato ku cyicaro cya REG kiri i Gisagara.

Uyu mukinnyi umaze kwigaragaza nk’umuhanga wo kwitega mu gihe kiri imbere, yatanze abandi ku murongo wari imbere ya ’Gymnase’ ya Gisagara, akomeza kwambara umwenda w’umuhondo.

Yakurikiwe n’abandi barimo Henok Mulueberhan wa Green Project Bardiani ndetse na Meijers Jeroen wa Terengganu Cycling Polygon. Kugeza ku mukinnyi wa 46, bose banganya ibihe kuko basoreje mu gikundi.

Chris Froome yabaye uwa 47 asizwe amasegonda umunani.

Muhoza Eric ukinira Bike Aid yabaye Umunyarwanda wasoreje hafi aba uwa 28 naho Niyonkuru Samuel wa Team Rwanda aba uwa 30. Manizabayo Eric yabaye uwa 34.

Nyuma y’uduce tubiri tumaze gukinwa, Ethan Vernon ayoboye urutonde rusange amaze gukoresha amasaha atandatu, iminota irindwi n’amasegonda 22, anganya ibi bihe n’abandi bakinnyi 44 barimo Niyonkuru Samuel na Manizabayo Eric ba Team Rwanda mu gihe Chris Froome arushwa amasegonda umunani ku mwanya wa 46.

Tour du Rwanda 2023 izakomeza ku wa Kabiri, tariki ya 21 Gashyantare, hakinwa Agace ka Gatatu kazahagurukira i Huye kerekeza i Musanze ku ntera y’ibilometero 199,5.

Rwarutabura ufana Rayon Sports, ntiyatanzwe no mu Magare

Abatwara moto zishinzwe umutekano mu isiganwa

Olivier Grandjean ushinzwe ibijyanye na tekinike muri Tour du Rwanda

Bamwe mu bakomiseri ba Tour du Rwanda 2023 bafata ifoto

Team Rwanda igera muri Kigali Car Free Zone

Ethan Vernon aganira n'itangazamakuru mbere y'isiganwa

Niyonkuru Samuel na Masengesho Vainqueur ba Team Rwanda bagera ahatangiriye isiganwa

Polisi y'Igihugu ikora ibishoboka byose ngo abasiganwa bagereyo amahoro

Ethan Vernon wambaye umwenda w'umuhondo asuhuzanya na Murenzi Abdallah uyobora FERWACY

Perezida wa FERWACY, Murenzi Abdallah, aganira na Nsengimana Bosco mbere y'isiganwa

Abakinnyi bambaye imyambaro yihariye ni bo bahaguruka mbere

Abakinnyi batambuka kuri Rond-point mu Mujyi wa Kigali

Ubwo abasiganwa bamanukaga kuri Yamaha berekeza Nyabugogo

Abakinnyi basesekara i Nyabugogo aho bari bategerejwe n'abatari bake

Nk'uko bisanzwe, IGIHE yaherekeje Tour du Rwanda mu bice byose izageramo mu gihugu

Nyabugogo hari abantu benshi bategereje kureba abasiganwa ku magare

Ubwo abakinnyi b'amagare bari bageze Nyabugogo ariko bagendera hamwe kuko ibihe byatangiye kubarwa bageze ku Gitikinyoni

Khafi Oussama aganira na mugenzi we (bombi bakinira Maroc) mu isiganwa

Ubwo isiganwa ryari rigeze i ku Ruyenzi ryerekeza i Kamonyi

Marc Oliver Fritzen ayoboye isiganwa

Mugisha Moïse ari mu bakinnyi bagerageje kwiyomora ku gikundi nubwo bitamukundiye

Abasiganwa bazamuka mu Ruhango

Ubwo abakinnyi bazamukaga umusozi muri aka gace kasorejwe i Gisagara

Ifoto yafashwe n'umufotozi wa IGIHE ubwo abakinnyi basatiraga i Muhanga

Marc Olivier Pritzen wa EF Education Nippo yinjira mu Mujyi wa Muhanga

Abakinnyi binjira mu Karere ka Ruhango

Isiganwa ryaranzwe no kugendera hamwe mu gikundi uretse abarimo Pritzen bagerageje gutoroka

Bamwe mu bafana bakomera amashyi abakinnyi batambukaga

Umukinnyi w'Ikipe y'u Bwongereza waguye, Charlton Josh, yahise ava mu isiganwa

Umwe mu bafana agerageza gutera imbaraga abakinnyi b'amagare bamanuka

Marc Olivier Pritzen wa EF Education Nippo yayoboye isiganwa igihe kirekire

Ubwo abasiganwa basatiraga i Nyanza

Abasiganwa batambuka mu Mujyi wa Huye

Abakinnyi bagendera ku murongo ubwo isiganwa ryerekezaga i Gisagara kuri uyu wa Mbere

Mu mukino w'amagare habaho gukorana nk'ikipe

Mu isiganwa, hari ababa bashinzwe umutekano w'abakinnyi

Umunyamakuru David Bayingana ni umwe mu bashyushyarugamba baba bari aho isiganwa risorezwa

Ethan Vernon yatanze abandi kugera ku murongo nyuma yo gutambika mu gikundi

Umwongereza Ethan Vernon ukinira Soudal Quick-step yegukanye Etape ya Kabiri ya Tour du Rwanda 2023

Vernon w'imyaka 22 ni we wakomeje kwambara umwenda w'umuhondo

Niyitegeka Gratien uzwi nka 'Papa Sava' ni umwe mu baherekeje Tour du Rwanda ari kumwe na MySol

Vernon Ethan (Soudal Quick-step) akomeje kwerekana ko ari uwo kwitega

Marc Olivier Pritzen (EF Education- Nippo) yahize abandi mu guterera imisozi

James Fouche wa Bolton Equities yongeye guhiga abandi muri 'sprint'

Umunya-Eritrea Muluebrhan Henok akomeje kuba Umunyafurika mwiza muri Tour du Rwanda 2023

Henok Mulubrhan ni we ukomeje kwambara umwambaro w'Umunyafurika mwiza muri Tour du Rwanda 2023

Marc Olivier Pritzen wa EF Education Nippo yahembwe nk'umukinnyi wayoboye isiganwa igihe kirekire

Umukinnyi wahatanye kurusha abandi wahembwe na Horizon Express ni Marc Olivier Pritzen ukinira EF Education- Nippo

Terengganu Polygon yahembwe nk'ikipe yitwaye neza kuri uyu wa Mbere

Amafoto: Igirubuntu Darcy na Yuhi Irakiza Augustin