Harabura iminsi 30 ngo rwambikane mu mihanda y’imirambi y’igihugu cya Gabon mu isiganwa mpuzamahanga ry’umukino wo gusiganwa ku magare ‘La Tropicale Amissa Bongo’ riteganyijwe hagati ya tariki 21 na 27 Mutarama 2019.
Uyu mwaka iri siganwa rizitabirwa n’amakipe y’ibihangange ku Isi muri uyu mukino nka Fortuneo-Samsic yo mu Bufaransa ifite umukinnyi wa mbere ku Isi muri ‘Sprint’, André Greipel ukomoka mu Budage, Direct Energie izava mu Bufaransa ya Jean-René Bernaudeau n’izindi.
Aya makipe yo ku mugabane w’u Burayi azakina iri siganwa yifuza kwegukana umwenda w’umuhondo n’igikombe cyegukanywe na Areruya Joseph muri La Tropicale Amissa Bongo yo mu 2018, ariko uyu mukinnyi uvuka i Kayonza nawe azaba ari mu bahatana yifuza kwisubiza ikuzo.
Areruya Joseph ari mu ikipe y’abakinnyi batandatu barimo Mugisha Samuel wegukanye Tour du Rwanda 2018 batoranyijwe n’abatoza b’ikipe y’igihugu bazajya muri Gabon baherekejwe n’Umutoza Felix Sempoma wanayoboye Areruya akamugeza ku ntsinzi mu isiganwa ry’uyu mwaka dusoje.
Abakinnyi bagize Team Rwanda izakina La Tropicale Amissa Bongo ya 2018
1. Joseph Areruya
2. Samuel Mugisha
3. Bonaventure Uwizeyimana
4. Didier Munyaneza
5. Nkurunziza Yves
6. Jean Claude Uwizeye
Imihanda izakoreshwa muri iri siganwa ry’iminsi itandatu
– Agace ka mbere: Bongoville › Moanda (Tariki 21 Mutarama 2019)
– Agace ka kabiri: Franceville › Okondja (Tariki 22 Mutarama 2019)
– Agace ka gatatu: Léconi › Franceville (Tariki 23 Mutarama 2019)
– Agace ka kane: Mitzic › Oyem (Tariki 24 Mutarama 2019)
– Agace ka gatanu: Bitam › Mongomo (Tariki 25 Mutarama 2019)
– Agace ka gatandatu: Bitam › Oyem (Tariki 26 Mutarama 2019)
TANGA IGITEKEREZO