Ni icyumweru cyatangiriye muri BK Arena kuva tariki ya 21 kugeza ku ya 28 Nzeri 2025, aho buri wese utuye mu turere twa Kicukiro, Gasabo na Nyarugenge yumvise akanirebera ibyiza by’umukino wo gusiganwa ku magare. Aha nta warenza ingohe abo mu nkengero z’umujyi n’aba kure bigomwe ibindi byose bagakurikirana iri siganwa ryirahiriwe na benshi kugeza no ku bagononwaga mbere.

Si ubwa mbere bari bayabonye, kuko u Rwanda rwamaze gutera intambwe ishimishije mu gutegura imikino nk’iyi rubihereye kuri Tour du Rwanda imaze kuba mu masiganwa y’amagare ayoboye andi muri Afurika.

Ni iminsi isize abakinnyi 13 begukanye imidali ya Zahabu mu byiciro bitandukanye byakinwe. Ibi birimo gusiganwa n’ibihe nk’umukinnyi ku giti cye (Individual Time Trial - ITT); gusiganwa n’ibihe nk’ikipe (Team Time Trial - TTT); ndetse no gusiganwa mu muhanda bisanzwe (Road Race - RR).

Abakinnyi bitwaye neza ni Reusser Marlene muri ITT y’Abagore, Remco Evenepoel muri ITT y’Abagabo, Backestedt Zoe muri ITT y’Abagore batarengeje imyaka 23 yari ikinwe bwa mbere, SÖDERQVIST Jakob muri ITT y’Abagabo batarengeje imyaka 23. ARENS Megan yitwaye neza muri ITT y’Abato mu bakobwa, na ho MOURIS Michiel yitwara neza muri ITT y’abato mu bahungu.

Ikipe y’Igihugu ya Australia yahize andi makipe mu gusiganwa n’ibihe ku makipe, Gery Célia muri RR y’Abagore batarengeje imyaka 23, Hudson Harry muri RR y’Abato mu bahungu, Finn Lorenzo Mark muri RR y’Abahungu batarengeje imyaka 23, Ostiz Taco RR y’Abato mu bakobwa, Vallieres Mill Magdeleine RR y’Abagore bakuze na Tadej Pogačar muri RR y’Abagabo.

Kugera ku ntsinzi kw’aba bose hari benshi babigizemo uruhare, barimo abatoza, abakanishi, abashinzwe umutekano, abayobozi b’isiganwa n’abandi benshi bayobowe na Perezida Paul Kagame na Perezida w’Ishyirahamwe ry’Imikino y’Amagare ku Isi (UCI), David Lappartient, bagize uruhare runini mu kurigeza muri Afurika.

Abanyarwanda bari ku mihanda kuri buri kilometero cyose muri 910,3 byakinwe mu byiciro byose. Si ukuhaba gusa kuko babaga babyina, baririmba, bakoma amashyi, muri make bongerera imbaraga abakinnyi.

Wabaye umwanya mwiza wo kongera kwiyibutsa ibyiza bitatse Umujyi wa Kigali, dore ko abakurikiranaga amasiganwa ku bitangazamakuru byo mu Rwanda ndetse n’ibyo ku rwego mpuzamahanga, babonaga amashusho yafashwe n’indege zagendaga hejuru y’ikirere cyawo.

Abacuruzi bafite amaduka acuruza ibintu bitandukanye cyane cyane amafunguro, babonye icyashara kuko abarebaga igare banyuzagamo bagafata ibyo kurya n’ibyo kunywa. Abateguye isiganwa ntibaheje abarebeye amagare kure y’amaduka, kuko wabegereje aho kubifatira [Fan Zones].

Polisi y’u Rwanda yakoze akazi katoroshye ko gufasha abantu kumenya amakuru y’ingendo, bigendanye n’imihanda yafungwaga kubera amasiganwa, ndetse ikabayobora mu mihanda mishya iri gukoreshwa, ari na ko irinda abari kureba isiganwa ngo badahura n’impanuka.

Abakorerabushake bo mu Mujyi wa Kigali, na bo bagize uruhare mu migendekere myiza ya Shampiyona y’Isi y’Amagare, dore ko ari bo bararaga amanywa n’ijoro batunganya banasukura imihanda y’aho isiganwa ryanyuze.

Mbere ya Shampiyona y’Isi y’Amagare yabereye i Kigali no mu gihe cyayo, ikirango cyahawe izina rya ‘Ganza’, cyazengurutse ibice bitandukanye by’igihugu by’umwihariko i Kigali, gifasha benshi kwishimira amasiganwa, arangira gihereza ububasha icya Montréal nk’umujyi uzakira ikurikiraho.

UCI yashimiye u Rwanda uko rwateguye irushanwa n’ubwitabire bw’Abanyarwanda, Perezida Kagame na we ayishima ko yagiriwe icyizere kandi ko u Rwanda rushishikajwe no kuba igicumbi cya siporo muri Afurika.

Uwavuga ibyabaye iminsi umunani ntiyabirangiza, ni yo mpamvu twatoranyijwe amwe mu mafoto yaranze iyo minsi yose, dore ko n’ubundi aryoha asubiwemo.

Amafoto y’umunsi wa mbere

Ibirori byo gutangiza Shampiyona y'Isi y'Amagare byabereye muri BK Arena

Imbyino z'Umuco Nyarwanda zasusurukije ibirori byo gutangiza Shampiyona y'Isi y'Amagare

Umunsi wa mbere wabereyeho imyiyereko idasanzwe ku igare

Nganza wari ikirango cya Shampiyona y'Isi y'Amagare mu Rwanda yashimishije benshi

Umudiho wari hose muri BK Arena yatangirijwemo amarushanwa

Abategura irushanwa bageze mu Rwanda kare

BK Arena yongeye kugaragazwa nk'inyubako idasanzwe y'imikino

Aho abakinnyi basiganwa n'ibihe ku giti cyabo bahagurukiraga ni uko habaga hateye

Amatara yo muri BK Arena yacanaga mu buryo buryoheye amaso

Abafana bari benshi muri BK Arena ku munsi wa mbere

Ni ubwa mbere amasiganwa yo gusiganwa n'ibihe yatangiriye imbere mu nzu

Ku munsi wa mbere abafana bagiye kurebera igare muri BK Arena

Perezida wa FERWACY, Ndayishimiye Samson, yashimiye abakinnyi mbere yo gutangira Shampiyona y'Isi y'Amagare

Mu birori byo gutangiza Shampiyona y'Isi y'Amagare, Minisitiri wa Siporo, Nelly Mukazayire, yatanze ikaze mu Rwanda

Perezida wa UCI, David Lappartient, ni we watangije amasiganwa ku munsi wa mbere

Abafana bari benshi Kimironko ku munsi wa mbere wa Shampiyona y'Isi y'Amagare

Ibyishimo mu maso y'Abanyarwanda bategereje amagare

Abamotari birengagije amafaranga bishimisha bareba igare

Abari hafi yo kuri Prince House bagaragaje ko igare ari ibyishimo

Cyari icyumweru buri wese yidagaduraga uko abishaka

Abanyarwanda babaga bategereje amagare ko atambuka babaga ari benshi

Abafana ku mihanda bategerezaga igare bafite amatsiko

Abafana bafanaga bagerageza kutinjira mu muhanda

Nirere Xaveline agerageza kuzamuka agana Nyanza ya Kicukiro

Aba ni bo bafana bitabiriye ku munsi wa mbere wa Shampiyona y'Isi y'Amagare

Amasiganwa yose yasorezwaga kuri Kigali Convention Centre

Abafana ba Eritrea bari babukereye bafite n'ibendera ry'igihugu cyabo

Nirere Xaverine ni we mukinnyi wahagurutse bwa mbere muri Shampiyona y’Isi y’Amagare

Abakinnyi basiganwa n'ibihe bakoreshaga umuvuduko udasanzwe

Tanzania na yo yari ifite abakinnyi mu masiganwa

Indege zifashishwaga mu gufata amashusho meza y'Umujyi wa Kigali

Umukinnyi wa Mauritius asohoka muri BK Arena

Umukinnyi wagiraga ikibazo imodoka irimo abamufasha yabaga iri hafi

Inzira abakinnyi banyuragamo bakina zabaga zateguwe hakiri kare

Abakobwa ni bo batangiye bakina Shampiyona y'Isi y'Amagare

Inzira abakinnyi banyuragamo basohoka muri BK Arena ni iri hafi y'Igicumbi cy'Intwari

Uyu ni umwe mu bari bashinzwe kureba ko imihanda y'amasiganwa itunganyije neza

Abakorerabushake babaye hafi isiganwa kuva ku munsi wa mbere

Abayobora isiganwa bagendaga kuri moto na zo zanyuze abatari bake

Amasiganwa ya mbere yabereye mu mihanda igana i Nyanza ya Kicukiro

Abapolisi babaye hafi abantu ngo badahura n'ikibazo

Aho imihanda yari ifungiye habaga hahagaze abafana

U Rwanda rwagize abakinnyi benshi muri Shampiyona y’Isi y’Amagare

Bamwe bifashishije amafirimbi mu gufana amagare

Abafana babonaga umuvuduko w'amagare bakumirwa

Remco Evenepoel yafanwe kuva ku munsi wa mbere

Abanya-Slovénie bari mu Rwanda bari gufana abakinnyi babo ku munsi wa mbere

Minisitiri Mukazayire ni umwe mu batanze ibihembo ku bitwaye neza

Stade Amahoro ni kimwe mu bikorwaremezo binini u Rwanda rufite

Hari abahisemo kwitwaza imitaka ngo batabangamirwa n'izuba

Hari abahisemo kujya hejuru y'inzu kugira ngo barebe neza amagare

Aba bahisemo kurira igisenge cy'inzu ngo birebere isiganwa ry'amateka

Abanyamahanga bari benshi mu Rwanda mu gihe cyo gusiganwa ku magare

Abanyamahanga batuye mu Rwanda ntibatanzwe

Uyu yahisemo gutwara ifoto nk'igihamya cy'uko amagare yatambutse ahari

Mu mujyi rwagati hari hatatswe mu buryo budasanzwe

Imodoka zaherekezaga abakinnyi na zo zatanze ibyishimo

Umunsi wa kabiri

Abagiraga ikibazo bahitaga bitabwaho

Umwe mu bafana yitereye hejuru kubera ibyishimo

Abakinnyi bitwaraga neza mu gusiganwa n'ibihe babaga bateganyirijwe intebe y'icyubahiro

Umunsi wa gatatu

Abakorerabushake bakoze akazi katoroshye mu gusukura umujyi

Abamotari birengagije amafaranga birebera amagare

Imihanda ya Kigali yasabye imbaraga abakinnyi benshi irabahagiza

Haruna Niyonzima wanditse amateka mu Amavubi yakiriye Igikombe cya Afurika kizahatanirwa

Umuyobozi Mukuru wa Banki ya Kigali, Dr. Diane Karusisi, ari mu batanze ibihembo muri aya masiganwa

Abana bisunze Ganza bafatanya kureba amagare

Abanyamahanga bagiriye ibihe byiza mu Rwanda

Ganza n'abana barishimanye karahava

Ibirori byo gutangiza amasiganwa byitabiriwe n'ab'ingeri zose

BK Arena yari iteye amabengeza mu birori byo gutangiza Shampiyona y'Isi y'Amagare

Abahanga mu kuvanga umuziki bari muri BK Arena hatangirijwe amasiganwa

Ganza yageze kuri BK Arena mbere y'uko amasiganwa atangira

Ganza asuhuzanya n'umunyamahanga

Ingabire Diane witeguraga guhatana mu bagore basiganwa n'ibihe ku giti cyabo

Ubumwe mu mukino w'amagare bwaragaragaye

Isiganwa ry'amagare ryagaragaje abandi banyempano

Ganza ari gutera imbaraga umukinnyi w'Ikipe y'u Rwanda witeguraga guhaguruka ku munsi wa mbere

Itsinda ry'abacuranzi rya Kimironko risusurutsa abakurikiye amasiganwa y'amagare

Umukinnyi uri gusiganwa n'ibihe arenze ikiraro cya Kicukiro

Moto z'umutekano zabanzaga gutambuka mbere y'amagare

Imyiyereko itandukanye yakorerwaga ahari hahuriye abantu benshi

Abafana bari mu kirere bamaze kubona amagare

Uyu yabyaje umusaruro umuziki wari wateguwe aho amagare yanyuraga

Aba bahisemo gucinya akadiho mbere y'uko amagare atambuka

Abakina Karate na bo brekanye impano

Byusa Pacifique ari gukata i Nyanza ya Kicukiro

Byusa Pacifique ari mu bashimishije Abanyarwanda

Abana bato b'abanyamahanga na bo bishimiye amagare

Umukinnyi aba acunganwa n'ibihe bye

Hari abakinnyi bahagurutse mbere mu gusiganwa n'ibihe abandi babanyuraho

Buri kintu cyasabwaga ngo umutekano ugende neza cyarakozwe

Abashinzwe umutekano babaye hafi ya Shampiyona y’Isi y’Amagare

Imodoka iherekeje umukinnyi iri kwerekeza Kwa Rwahama

Abafana bari benshi mu mihanda ya Kimironko

Umunsi wa kane

Abakecuru ntibatanzwe mu birori bya Shampiyona y'Isi y'Amagare

Ganza ahagaze aho abakinnyi basiganwa n'ibihe nk'amakipe bahagurukiye

Abafana b'amagare i Kigali ntibasibaga gufanana imbaraga

Kuri KCC hateguwe mu buryo budasanzwe bumenyerewe mu Rwanda no muri Afurika

Bamwe banyuzagamo bagafata amafoto y'abafana

U Bufaransa bwari bushyigikiwe i Kigali

Ikipe ya Australie yitwaye neza muri Team Time Trial

Ibihugu birenga 100 byari mu Rwanda bihatanira imidali ya Shampiyona y'Isi y'Amagare

Byukusenge Patrick, Nkundabera Eric na Uwiduhaye Mike bagiye kwerekeza i Nyanza ya Kicukiro

Abafana bafanaga mu buryo butandukanye

Abafana b'amagare bayakurikiranaga banayasesengura

Sonatubes hahoraga hari abafana buzuye bategereje igare

Bamwe mu batarabonye umwanya wo kujya ku mihanda barebeye amasiganwa aho bakorera

Amagare yasize yerekanye ubwiza bwa Kigali

Amakipe yabonye umwanya wo kwitoza mbere yo gusiganwa

Abakinnyi b'Ikipe y'Igihugu ya Portugal bari mu myitozo mu muhanda wo hafi ya Golf

Abakinnyi ba Slovénie bari kunyura hafi y'ikibuga cya Golf kiri i Kigali

Abakinnyi b'amagare bari mu myitozo bitegereza abakinnyi ba Golf

Amagare yanyuraga hafi ya tapis ikoreshwa n'abakora imyitozo ngororamubiri

Umuziki wari wateganyijwe aho amagare yagombaga kunyura

Urubyiruko rwarizihiwe muri Shampiyona y'Isi y'Amagare biratinda

Imbyino zigezweho zabyinwe n'urubyiruko karahava

Umuco Nyarwanda ntiwatanzwe muri Shampiyona y'Isi y'Amagare

Bamwe bahisemo gucinya akadiho mu gihe bategereje amagare

Gufana amagare ntibyabujije bamwe kugaragaza impano mu gucuranga umuziki ugezweho

Abafana bo mu Kabuga Ka Nyarutarama bategerezanyije amatsiko amagare

Ababyeyi basohokanye abana babo ahanyuraga amagare

Kunyura mu makorosi ni bumwe mu buhanga buba mu mukino w'amagare

Mu Rwanda hamaze kigira inyubako nyinshi zigezweho

Amafu yo hafi y'ikibuga cya Golf kiri i Kigali yafashaga abakinnyi

Bamwe bafanaga banagabanya icyaka

Amagare ari mu muhanda uzenguruka Kigali Golf Resorts & Villas

Ubwo amagare yanyuraga ku Cyicaro Gikuru cya MTN Rwanda

Abo ni Abanyarwanda bahisemo gufana Slovakie

Buri kipe igira imodoka iyiherekeza ikayitwaza ibikoresho

Ababiligi bari biganje mu Mujyi wa Kigali ngo bafane ikipe yabo

Umukinnyi wa Ukraine asuhuza umwana uri kumufana

Abakinnyi ba Kazakhstan bari mu myitozo

Ikipe y'Igihugu y'u Bubiligi iri mu myitozo

Imbyino zitandukanye zari ziganje ahahuriraga abafana benshi

Abafana bakomeraga amashyi abakinnyi bari gutambuka

Uyu yanze kuva ku muhanda adafashe ifoto y'amateka

Ibyishimo byari byose kubona u Rwanda rwandika amateka

Bamwe mu bagore batanze ibyishimo bisendereye muri aya masiganwa

Uyu yahisemo gushyiraho ibisuko biri mu mabara y'ibendera ry'u Rwanda

Abaherekeje Ikipe y'Igihugu ya Eritrea ni uko babaga bagaragara

Ababyeyi basohokanye n'abana ahabereye amasiganwa y'amagare

Aba bahisemo kurebera igare kuri televiziyo

Umujyi wa Kigali werekanye ko utaje mu iterambere kuko uri kuzamurwamo imiturirwa hirya no hino

Ikipe ya Slovénie iri mu myitozo mu mihanda ya Kigali

TotalEnergies ni umwe mu baterankunga b'irushanwa

Ikibuga cya Kigali Golf Resorts & Villas cyari cyitegeye umuhanda wanyuragamo abasiganwa

Abakinnyi babaga bitwaje n'amazi yo kunywa

Abafana benshi bifuzaga kureba uko isiganwa ritangira

Abafana benshi bari kuri Kigali Convention Centre bari bafite amabendera y'u Rwanda

Umunya-Pologne Mul Malwina amaze guhangana n'imihanda ya Kigali mu bagore batarenge imyaka 23

Umufaransakazi Gery Celia ni we witwaye neza mu bagore batarengeje imyaka 23

Abafana bategerezaga amagare mu bice bitandukanye

Nubwo akunda umupira w'amaguru ntibyamubujije kujya kwirebera amagare

U Bwongereza bwari bushyigikiwe muri iyi mikino

Ibyiciro by'abagore na byo biri mu byahataniwe muri Shampiyona y'Isi y'Amagare

Ababyeyi b'abanyamahanga bari kwereka abana babo amagare

Minisitiri wa Siporo, Nelly Mukazayire, yabaye hafi isiganwa iminsi yose

Icyuzi cy'ahazwi nko Kwa Nyagahene ni uko giteye

Mu mihanda yateguwe harimo n'irambuye

Amafoto y’umunsi wa gatanu, uwa gatandatu, uwa karindwi n’uwa munani

Abafana bashyigikiraga amagare ntacyo bishisha

Abasiganwa bari mu bikundi babaga ari benshi

Umunya-Nouvelle-Zélande, Pringle Nate, ni umwe mu bitwaye neza mu bagabo batarengeje imyaka 23

Abanyamahanga babonye ko Abanyarwanda banezerewe

Ahazwi nko mu ihuriro ry'imihanda ku Gishushu hanyuze amagare

Abari mu Kabuga ka Nyarutarama bari bafite televiziyo bareberaho aho abasiganwa bageze

Umuvugizi wa Guverinoma y'u Rwanda, Yolande Makolo, ari gufana afite n'ibendera

Mu gihe isiganwa ryabaga riri hafi kugera ku bafana, babaga babireba imbonankubone

Abafana bafashe amafoto ku bwinshi

Shampiyona y'Isi yabereye bwa mbere muri Afurika yatanze ibyishimo

Isi yose yabonye iterambere ry'Umujyi wa Kigali

Abasiganwa babanza gukora ibilometero bike mbere yo gutangira isiganwa

Ubwo Ikipe y'u Bubiligi yari iyoboye abakinnyi bari kunyura ku Gishushu hafi ya RDB

Bamwe bakoze impanuka ariko zidakanganye

Umujyi wa Kigali umaze gutera imbere mu nyubako zigezweho kandi zibereye ijisho

Abakinnyi bakinnye umunsi wa nyuma bazengurutse mu Mujyi wa Kigali inshuro 15

Abanyarwanda bagaragaje ko bishimiye intambwe rumaze gutera

Thompson Judah wa Thailand azamuka mu nzira y'amabuye

Abanya-Slovénie bayobowe na Marolt Jaka mu batarengeje imyaka 24 bari kuzamuka Kwa Mignonne

Amagare yaturukaga kure abantu bayareba

Aba bishimiye kurebera hamwe amasiganwa y'amagare

Uyu ari guha amashyi abakinnyi bagiye gutambuka

Stare Gal wa Slovenia ari gufata amazi

Niyonkuru Samuel ni umwe mu bahagarariye u Rwanda muri Shampiyona y'Isi y'Amagare

Uyu igare ryamupfiriyeho mu isiganwa hagati

Imihanda ya Kigali yatumye Shampiyona y'Isi y'Amagare iba imwe mu zikomeye

Abakinnyi bamaraga gukina bananiwe cyane bigaragara ko banegekaye

Ubwitabire muri Shampiyona y'Isi y'Amagare bwari hejuru

Uko Nyarutarama hagaragara mu mafoto yo mu kirere

Imodoka zitwaye abatoza n'amagare y'abakinnyi zabaga zihuta cyane zibakurikiye

Kigali Golf Resort & Villas ni hamwe mu hantu hatangaje hari muri Kigali

Abakinnyi bari kuva i Nyarutarama berekeza ku gasozi kajya MINAGRI

Abanyarwanda bari kwigisha abanyamahanga kubyina Kinyarwanda

Abaholandi bategerereje amagare Kwa Mutwe

Perezida Kagame yahawe Umudali uhabwa abakoze ibikorwa by'indashyikirwa mu mukino w'amagare

Abaholandi bategerereje amagare Kwa Mutwe

Abafana bari Nyabugogo batumye benshi bacika ururondogoro

Nyabugogo yatanze ibyishimo

Abari bategereje amagare Nyabugogo basusurukijwe n'itorerero ribyina imbyino za Gakondo

Amazu y'i Nyabugogo yari yuzuye abantu bategereje amagare

Abafana bari benshi Kwa Mutwe bakurikiye amagare

Nsengiyumva Shemu ari mu muhanda wo Kwa Mutwe

Umubiligi Remco Evenepoel yakubitiwe inshuro mu mabuye yo Kwa Mutwe

Abafana bari benshi kuri KCC bategereje isozwa rya Shampiyona y'Isi y'Amagare

Tadej Pogačar yakoze ibilometero 66 wenyine yanikiye abandi, yegukana Shampiyona y'Isi y'Amagare

Perezida Kagame yakiriwe bidasanzwe kuri KCC

Perezida Kagame mu bishimiye intsinzi ya Tadej Pogačar

Perezida Kagame yambika umudali wa Zahabu Tadej Pogačar