Eritrea yagiye iryoshya Tour du Rwanda inshuro zose yayitabiriye ibifashijwemo n’abakinnyi bakomeye nka Amanuel Meron, Eyob Metkel, Kudus Merhawi, Debesay Mekseb, Okubamariam Tesfom, Gebreigzabhier Amanuel n’abandi ikaba ari nayo ifite agahigo ko kwegukanamo etapes nyinshi (19).

Iyi kipe yasezeye habura iminsi ibiri ngo isiganwa ritangire kubera ibibazo by’amikoro yahuye nabyo, abategura Tour du Rwanda bakaba bahise batangaza ko isimbuwe na SNH Velo Club yo muri Cameroun.

SNH Velo Club yaherukaga kwitabira Tour du Rwanda ya 2016 ifite abakinnyi barimo Fosing Robert, Mba Hervé Raoul, Guewa Clovis ariko uwasigaye mu mitwe ya benshi mu bakunzi b’umukino w’amagare akaba ari Kamzong Clovis, umwe mu bakinnyi bakomeye cyane iyi kipe igenderaho.

Amakipe azitabira Tour du Rwanda 2018

I. Amakipe y’ibihugu

– Ikipe y’u Rwanda
– Ikipe ya Afurika y’Epfo
– Ikipe ya Ethiopia

II. Amakipe yo muri Afurika

– Les Amis Sportif (Rwanda)
– Bénédiction (Rwanda)
– GSP Algeria (Algeria)
– SNH Velo Club (Cameroun)
– Kenyan Riders Safaricom (Kenya)
– Team Sampada (Afurika y’Epfo)
– Bai Sicasal- Petro de Luanda (Angola)

III. Amakipe yo hanze ya Afurika

– Team Loup Suisse Romandie (u Busuwisi)
– Marc Pro GYM One Cycling Team (USA)
– Team Haute-Savoie Rhône Alpes (u Bufaransa)
– Equipe De POC Côte De Lumière (u Bufaransa)
– Team Embrace The World (u Budage)

Uduce twa Tour du Rwanda 2018 n’imihanda tuzacamo

– Ku wa 5 Kanama: Rwamagana-Rwamagana: 104 Km
– Ku wa 6 Kanama: Kigali-Huye: 120,3 Km
– Ku wa 7 Kanama: Huye-Musanze: 195,3Km
– Ku wa 8 Kanama: Musanze-Karongi: 135,8 Km
– Ku wa 9 Kanama: Karongi-Rubavu: 95,1 Km
– Ku wa 10 Kanama: Rubavu-Kinigi (Parike y’Ibirunga): 108,5 km
– Ku wa 11 Kanama: Musanze- Kigali (imbere ya MIC): 107,4 km
– Ku wa 12 Kanama: Kigali (Stade Amahoro)- Kigali (Nyamirambo): 82,2 km

Ikipe ya Eritrea yagize abakinnyi bakomeye bitabira Tour du Rwanda ndetse ni nayo imaze kwegukanamo uduce twinshi kurusha izindi zose