Mu bahungu, u Rwanda ruhagarariwe na Niyomukiza Yves, Tuyizere Hervé na Hakizimana Jean Pierre.

Ni mu gihe abakobwa ari Shimo Gashema Benie Christa, Urusaro Vanessa na Musingize Marie Louange Michelle.

Ibihugu 14 bizitabira iyi Shampiyona Nyafurika ni Algeria, Bénin, Burkina Faso, Burundi, Ibirwa bya Comores, Misiri, Tunisia, Nigeria, Kenya, Ibirwa bya Maurice, u Rwanda, Zambia na Zimbabwe.

Muri iri rushanwa rizamara iminsi ine, uretse kuba Abanyarwanda bazaba bahanze amaso ikipe yabo, andi makipe yo kwitondera ni Misiri ifite irushanwa riheruka na Algeria yaritwaye mu 2024.

AirBadminton ikinwa nka Badminton isanzwe ariko yo ikaba yakinirwa ku mucanga, mu byatsi no mu kibuga cyo hanze. Abakinnyi bashobora gukina ari babiri cyangwa batatu.

Ikibuga cy’abakina ari babiri cyangwa batatu kiba kireshya na metero 16x6 naho icy’abakina ari umwe ni metero 16x5.

U Rwanda ruri mu bihugu 14 bizakina Shampiyona Nyafurika ya Air Badminton uyu mwaka

Abagize Ikipe y'Igihugu yitabiriye irushanwa i Kampala