Ni iya mbere muri uku kwezi kwa Werurwe nyuma y’iyari yarateguwe ku wa 20 Gashyantare 2022.

Abayitabiriye kuri iki Cyumweru kuva saa moya za mu gitondo kugera saa yine, bubahirizaga amabwiriza yo kwirinda ikwirakwira rya COVID-19 arimo guhana intera, kwitwaza no gukoresha imiti yabugenewe isukura intoki n’ibindi.

Car Free Day ni siporo rusange yatangijwe muri Gicurasi 2016 igamije gushishikariza abatuye Umujyi wa Kigali umuco wo gukora siporo no kubiborohereza, gushishikariza abaturage kwirinda indwara zitandukanye, aho bahabwa inama bakanapimwa izi ndwara ku buntu. Kuri ubu no mu ntara zindi iyi Siporo irakorwa.

Mu ntangiriro za 2018 ni bwo Perezida Kagame yasabye ko yajya iba kabiri mu kwezi; ku Cyumweru cya mbere cy’ukwezi n’icya gatatu.

Meya w'Umujyi wa Kigali Pudence Rubingisa (uwa gatatu uhereye ibumoso) ari mu bitabiriye Car Free Day kuri iki cyumweru

Abatuye umujyi bitabiriye Car Free Day yari ibaye bwa mbere muri uku kwezi

Amagare aba yemewe muri iyi siporo iba kabiri mu kwezi

Ibinyabiziga byari byakumiriwe mu mihanda itandukanye kugira ngo abantu babone uko bakora siporo bisanzuye

Ababishoboye bagendaga mu matsinda ngo baterane imbaraga