Ku rutonde rukorwa n’ikinyamakuru Forbes Magazine rugaragaza uko amakipe akurikirana mu kugira amafaranga menshi ku Isi, ikipe ikina muri shampiyona ya Amerika (National Football League, NFL), Dallas Cowboys yaciye agahigo ko gufata umwanya wa mbere n’agaciro ka miliyari 4 z’amadolari ya Amerika.

Dallas Cowboys ibaye ikipe ya mbere itari iy’umupira w’amaguru iyoboye urutonde rw’amakipe akize ku Isi kuva muri 2011.

Real Madrid ifite ibikombe 11 bya Champions League, ndetse ikaba yaratwaye bibiri mu myaka itatu iheruka, yaje ku mwanya wa kabiri n’agaciro ka miliyari 3.65 z’amadorali ya Amerika. Umwanya wa gatatu uriho FC Barcelona ifite agaciro ka miliyali 3.55 z’amadolari ya Amerika.

Ikipe ya Arsenal niyo yazamutse cyane kuri uru rutonde iva ku mwanya wa 36 igera kuri 23 n’agaciro ka miliyali 2.02 z’amadolari ya Amerika.

Amakipe atatu ya mbere ku Isi nk’uko Forbes yabitangaje ni:

1. Dallas Cowboys yari ku mwanya wa kabiri mu 2015, ifite agaciro ka miliyari 4 z’amadolari.

2. Real Madrid yari ku mwanya wa mbere mu 2015, ifite agaciro ka miliyari 3.65 z’amadorali.

3. Barcelona yari ku mwanya wa kane mu 2015, ifite miliyali 3.55 z’amadolari ya Amerika.

Dallas Cowboys yahigitse Real Madrid ihita ifata umwanya wa mbere

Real Madrid iheruka gutwara Champions League, bwa mbere nyuma y'imyaka itatu yakuwe ku mwanya wa mbere ku rutonde rw’amakipe akize ku Isi

FC Barcelone iri ku mwanya wa gatatu mu makipe yibitseho agatubutse

Manchester United yo mu Bwongereza iri ku mwanya wa gatanu