Iyi Shampiyona ya Basketball ikinwa n’abafite ubumuga bicaye mu tugare, yasojwe hakinwa imikino ya nyuma mu bagabo n’abagore, ariko muri iki cyiciro cya mbere hakinirwa n’umwanya wa gatatu.

Mu cyiciro cy’abagore, Ikipe ya Gasabo yatsinze Kicukiro amanota 10-8, yongera kwisubiza igikombe.

Mu bagabo, igikombe cya Shampiyona y’uyu mwaka cyegukanywe na Eagles yatsinze Kicukiro amanota 28-21 ku mukino wa nyuma.

Muri iki cyiciro kandi, hakinwe umukino wo guhatanira umwanya wa gatatu aho wegukanywe na Musanze yatsinze Indangamirwa amanota 30-26.

Mu mwaka w’imikino ushize, Ikipe ya Kicukiro yegukanye Igikombe cya Shampiyona mu Bagabo, Gasabo icyegukana mu Bagore.

Intwari za Gasabo zongeye kwegukana Shampiyona mu bagore

Wheelchair Basketball ikinwa n'abafite ubumuga bicaye mu magare

Eagles yagaragaje urwego ruri hejuru mu mukino yahuyemo na Kicukiro mu bagabo

Byari ibyishimo kuri Eagles nyuma yo kwegukana igikombe cya Shampiyona