Ni isiganwa aba bagabo begukanye bakoresheje amasaha abiri, iminota irindwi n’amasegonda 35, ni mu gihe Fred Kitaka Busulwa na Joseph Bongole bo muri Uganda batahanye umwanya wa kabiri, barushijwe iminota ine n’amasegonda 10.

Kalimpinya Queen yabaye uwa gatatu asigwa n’uwa mbere iminota 22 n’amasegonda arindwi, bituma anegukana igihembo cy’umugore witwaye neza mu isiganwa.

Abandi bari bitezwe muri iri siganwa ni Yoto Fabrice n’umuvandimwe we Fernand Rutabingwa, Anita Pendo watwaraga afatanyije na Adolphe Nshimiyimana kimwe na Sandrine Isheja wafatanyaga na Davite Giancarlo. Aba bari mu batabashije kurangiza isiganwa kubera ibibazo by’imodoka.

Gakwaya Jean Claude na Mugabo Jean Claude begukanye Huye Rally 2024, mu gihe bayiherukaga mu 2019 naho mu 2023 bwo bakaba batarabashije kurangiza isiganwa bitewe n’uko imodoka yabo yari yagize ikibazo.

Kalimpinya Queen ufatanya na Olivier Ngabo yongeye kwegukana umwanya wa gatatu yari yegukanye umwaka ushize.

Imodoka eshatu za mbere muri 'Huye Rally 2024'

Bamwe mu bitabiriye isiganwa nyuma yo gusoza 'Huye Rally 2024'

Christian Gakwaya uhagarariye Ishyirahamwe ry'umukino wo gutwara imodoka yashimiye abitabiriye iri siganwa bose

Kalimpinya Queen na Olivier Ngabo bafatanya bongeye kuba abagatatu

Fred Kitaka Busulwa na Joseph Bongole bo muri Uganda batahanye umwanya wa kabiri

Gakwaya Claude na Mugabo Jean Claude baherukaga kwegukana 'Huye Rally' mu 2019

Nyuma yo kwegukana iki gikombe bari bamaze imyaka itanu badatwara, ibyishimo byari byose

Gakwaya Claude na Mugabo Jean Claude begukanye ‘Huye Rally2024’

Abatwaye imyanya ya mbere itatu bafatanye ifoto y'urwibutso

Amafoto: Kasiro Claude