Mbere y’uko iyi mikino itangira, mbere ya saa Sita, umuryango mugari wa Komite y’Igihugu y’Imikino y’Abafite ubumuga (NPC Rwanda) wabanje gusura Urwibutso rwa Jenoside rwa Kigali ku Gisozi, wunamira inzirakarengane z’Abatutsi zihashyinguwe.

Nyuma yaho ni bwo habaye imikino yahuje amakipe ane ya mbere muri Shampiyona mu bagabo ndetse n’ane ya mbere mu bagore.

Mu Bagabo, Ikipe ya Gasabo SVB yisubije Irushanwa ryo Kwibuka nyuma yo gutsinda iya Rusizi SVB amaseti 3-1 (25-17, 23-25, 25-16 na 25-23).

Gasabo SVB yageze ku mukino wa nyuma ihigitse Musanze SVB mu gihe Rusizi SVB yari yatunguye Gisagara SVB.

Umwanya wa gatatu wegukanywe na Musanze SVB yatsinze Gisagara SVB amaseti 2-0 (25-22, 25-20).

Mu Bagore, igikombe cyegukanywe na Bugesera SVB yatsinze Musanze SVB amaseti 3-0 (25-10, 25-15 na 25-16).

Ni mu gihe mu guhatanira umwanya wa gatatu, Gicumbi SVB yawegukanye itsinze Nyarugenge SVB amaseti 2-1 (24-26, 25-18, 16-14).

Umuryango mugari wa Komite y'Igihugu y'Imikino y'Abafite ubumuga (NPC Rwanda) wasuye Urwibutso rwa Jenoside rwa Kigali ku Gisozi, wunamira inzirakarengane z'Abatutsi zihashyinguwe.

Nyuma yaho, hakinwe Irushanwa ryo Kwibuka mu mukino wa Sitting Volleyball, ryabeye ku bibuga bya… pic.twitter.com/8r5ROet0qQ

— IGIHE Sports (@IGIHESports) May 18, 2024

Iri rushanwa ryari ryateguwe ku bufatanye bwa NPC Rwanda, Minisiteri ya Siporo na Komite Olempike y’u Rwanda.

Ikipe ya Gasabo SVB ihanganye n'iya Rusizi SVB ku mukino wa nyuma mu bagabo

Rusizi SVB yatsinzwe na Gasabo SVB amaseti 3-1

Perezida wa NPC Rwanda, Murema Jean Baptiste, yakinnye iri rushanwa aho abarizwa mu Ikipe ya Gasabo SVB ndetse akaba anakinira Ikipe y'Igihugu

Sharangabo Alexis OLY uyobora Komisiyo ishinzwe gutegura amarushanwa yo Kwibuka muri Komite Olempike y'u Rwanda

Byari ibyishimo kuri Gasabo SVB yisubije iki gikombe

Amakipe ya Bugesera SVB na Gasabo SVB yishimira ibikombe yegukanye