Hirana Clément ni Umunyarwanda ukina mu mikino yo kubaka umubiri no kugaragaza umubyimba mu buryo bw’umwuga (Culturisme/bodybuilding).

Yatangiriye uyu mukino mu Mujyi wa Rennes mu Bufaransa nk’utarabigize umwuga mu 2010. Nyuma yo gutangira akora imyitozo yoroheje nko gusimbuka imigozi, kwiruka no guterura ibyuma, mu 2012 yatangiye kubona impinduka ku mubiri we, atangira kwitabira amarushanwa atandukanye.

Uyu musore ukina mu ikipe ya ABE_WORKOUTS, afite ibigango bihambaye kuko umuzenguruko w’akaboko ke upima santimetero 52, itako rifite 72, mu gihe igituza cye kingana na santimetero 127.

Mu 2016, Hirana yegukanye irushanwa rya Muscleshow ryabereye i Paris, anegukana umwanya wa kabiri mu ryitwa Musclemania mu cyiciro cya Men’s Classic.

Kurikira ikiganiro kirambuye, umenye byinshi kurushaho.

Hirana Clément amaze imyaka 13 mu mukino wo kubaka umubiri

Umuzenguruko w’akaboko ka Hirana upima santimetero 52

Igituza cya Hirana kingana na santimetero 127

Hirana Clément ni umwe mu banyarwanda bake babarizwa mu mukino wo kubaka umubiri

Hirana Clément avuga ko abantu bubaka umubiri bikunda cyane

Amafoto: Esther Yasipi
Video: Rukimbira Divin