Iri rushanwa ryari rimaze icyumweru, ryasorejwe i Kirehe mu Nkambi ya Mahama.

Ikipe ya Mahama yari mu rugo yisubije igikombe mu mupira w’amaguru itsinze iya Nyabiheke igitego 1-0. Iyi kipe kandi yegukanye n’icya Sitball, itsinze Mugombwa amanota 34-33.

Inkambi ya Kiziba yo mu Karere ka Karongi yegukanye igikombe muri Karate ndetse na Taekwondo.

Ni mu gihe, Inkambi ya Mugombwa yo mu Karere ka Gisagara yegukanye igikombe muri Volleyball itsinze Mahama amaseti 3-1. Muri Basketball, Inkambi ya Nyabiheke y’i Gatsibo yegukanye igikombe itsinze Kigeme amanota 72-62.

Iri rushanwa ritegurwa na Minisiteri y’Ibikorwa by’Ubutabazi (MINEMA) n’abandi bafatanyabikorwa. Uyu mwaka ryitabiriwe n’abakinnyi 750 bavuye mu makipe 49, mu mikino irindwi irimo umupira w’amaguru, Taekwondo, Basketball, Volleyball, Sitball na Karate.