Buri kwezi uru ruganda rwenga ibinyobwa bisembuye n’ibidasembuye rutera inkunga Rayon Sports, ruhemba abakinnyi beza bafasha ikipe y’abagabo n’iy’abagore.

Mu bakinnyi bari bahataniye igihembo cyo muri Gashyantare 2026 mu bagabo, harimo umunyezamu Kwizera Olivier, myugariro Ramazani Tshimanga na Abedi Bigirimana ukina hagati mu kibuga.

Kwizera Olivier wakinnye imikino itanu akinjizwa ibitego bitatu muri itatu, indi ibiri ntiyinjizwe igitego, yatumye Rayon Sports idatsindwa umukino n’umwe ahubwo itsinda itatu, indi ibiri iranganya.

Muri Rayon Sports WFC, igihembo cy'umukinnyi mwiza cyahawe myugariro w'ibumoso Ihirwe Regine, wakinnye imikino ine atsindamo igitego kimwe anatanga imipira itatu ivamo ibindi.

Ni igihembo yari ahanganiye na Uwihirwe Josiane na Umutoni Raissa.

Buri gihembo cy’umukinnyi mwiza w’ukwezi ku makipe yombi, giherekezwa n’ibihumbi 100 Frw na byo bitangwa n’uruganda rwa SKOL Brewery.