Kuri uyu munsi, abakirisitu bizihiza ivuka rya Yezu Krisitu, bamwe mu bakinnyi n’abakunzi babo bifashishije imbuga nkoranyambaga zitandukanye bifuriza ababakurikira Noheli Nziza.

Bamwe muri bo ntibategereje ko Noheli igera kugira ngo bifotozanye n’imiryango yabo nk’uko bagiye babigaragaza ku mbuga zirimo Instagram.

Noheli yasanze shampiyona zikomeye i Burayi ziri mu karuhuko k’iminsi mikuru ariko si ko bimeze mu Bwongereza kuko kuri "Boxing Day", umunsi ukurira Noheli, hazakomeza Premier League ndetse hateganyijwe umukino uzahuza Manchester United na Newcastle United.

Si aho gusa kandi kuko hari n’izindi shampiyona zizakomeza zirimo Rwanda Premier League, mu gihe Abanyafurika benshi bahanze amaso CAN 2025 iri kubera muri Maroc kuva tariki ya 21 Ukuboza kugeza ku ya 18 Mutarama 2026.

Amafoto ya bamwe mu bakinnyi bizihije Noheli ya 2025:

View this post on Instagram

A post shared by Cristiano Ronaldo (@cristiano)

Umunyezamu wa Schalke 04, Loris Karius n'umugore we Giulia Diletta Leotta ukorera DAZN nk’umunyamakuru, ni uku binjiye muri Noheli

Karius na Diletta basohokanye n'abandi bo mu muryango wabo

Rutahizamu wa Real Madrid, Rodrygo yizirije noheli mu rugo

Rodrygo ari kumwe n'umuryango we

Rutahizamu wa FC Barcelone, Robert Lewandowski, ni umwe mu bakinnyi baha agaciro umunsi wa Noheli, aho aba ari kumwe n'umuryango we

Umunyezamu wa Aston Villa, Emiliano Martínez, ari kumwe n'umuryango we mu myambaro iri mu mabara ajyanye na Noheli

Noheli yasanze rutahizamu wa Manchester City, Erling Haaland, iwabo muri Norvège

Angel Di Maria ukinira Rosario Central, yizihije uyu munsi mukuru ari kumwe n'umuryango we

Byari ibirori mu rugo rwa Di Maria usigaye ukina iwabo

Rutahizamu wa Tottenham, Richarlison, ari kumwe n'umwana we

Richarlison ari kumwe n'umukunzi we n'umwana wabo

Neymar apfutse ku ivi ry'ibumoso nyuma yo kubagwa kubera imvune yari amaranye igihe

Neymar ukinira Santos, yizihije Noheli ari kumwe n'umuryango we

Jude Bellingham na murumuna we Jobe Bellingham, bari mu karuhuko i Dubai

Jude na Jobe bakina Table Tennis i Dubai

Wayne Rooney n'umuryango we bifotozoreza imbere y'igiti cya noheli

Marcus Rashford ukinira FC Barcelone, yifotoje ari gutaka igiti cya Noheli

Mbere yo gukina na Crystal Palace ku wa Kabiri, Bukayo Saka ukinira Arsenal yashyize iyi foto ku mbuga nkoranyambaga ze

Umukinnyi wa Manchester United, Casemiro n'umugore we Anna Mariana bifotoje bari kumwe n'abana babo