Iri rushanwa ry’iminsi ibiri ryasojwe mu ijoro ryo ku wa Gatandatu, tariki 20 Mata 2024 muri BK Arena.

Umukino wa nyuma mu bagabo watangiye Patriots BBC itsinda amanota ariko ntibyarambye kuko APR yahise itangira gutsinda amanota menshi ibifashijwemo na Ntore Habimana na William Robeyns.

Agace ka Mbere karangiye Ikipe y’Ingabo iyoboye umukino n’amanota 25 kuri 17 ya Patriots BBC.

APR BBC yakomeje gukina neza mu gace ka kabiri, aho William na Dario Hunt batsindaga amanota menshi. Iyi kipe yari yahinduye abakinnyi ariko ikomeza kuyobora umukino.

Ku rundi ruhande, Ndizeye Dieudonné na Hagumintwari Steven gutsinda ntibyabakundiraga byatumaga amanota ya Patriots aba make.

Igice cya Mbere cyarangiye APR BBC yatsinze Patriots BBC ikinyuranyo cy’amanota 15 (44-29).

Patriots yasubiranye imbaraga mu gace ka gatatu, Turatsinze Olivier na Frank Kamdoh bagabanya ikinyuranyo kigera mu manota 10 (34-44).

Umutoza wa APR, Mazen Trakh yahise asubiza mu kibuga Noel Obadiah, Ntore Habimana na William kugira ngo ikipe itabigaranzura.

Aba bakinnyi bahise bafashe iyi kipe kongera gukanguka, agace ka gatatu karangiye iyoboye umukino n’amanota 62-43.

Ikipe y’Ingabo yinjiye mu gace ka nyuma ishimangira intsinzi ari nako abatarabonye umwanya nka Chris Ruta na Dan Kimasa bagiye mu kibuga.

Umukino warangiye APR BBC yatsinze Patriots BBC amanota 80-63 yegukana Irushanwa ryo Kwibuka.

Mu bagore, iri rushanwa ryegukanywe na APR yatsinze REG WBBC amanota 86-81.

Aya makipe ya APR mu bagabo n’abagore yasimbuye REG BBCna IPRC mu bagore zegukanye irushanwa riheruka mu 2019.

Mbere y'umukino hafashwe umunota wo kwibuka ku nshuro ya 30 Jenoside yakorewe Abatutsi

Hagumintwari Steven agerageza gutsinda, abarimo Dan Kimasa na Dario Hunt bamuzibira

Manzi Dan Kimasa ahanganye na Frank Kamdoh

Turatsinze Olivier agerageza gutsinda amanota atatu

Frank Kamdoh agerageza kuzibira Ntore Habimana wagize umukino mwiza

Abakinnyi bashya, Noel Obadiah ahanganye na Nijimbere Guibert

Uyu mwana yafanaga APR bikomeye

Noel Obadiah ashaka inzira yatsindamo

Abafana bari benshi muri BK Arena

Rutagenngwa Nadine agerageza gutsinda

Umugwaneza Charlotte atanga umupira, ahanganye n'abakinnyi batatu ba REG

Kantore Sandra azamukana umupira

APR BBC yegukanye Irushanwa ryo Kwibuka itsinze Patriots

Mu bagore, APR yegukanye iri rushanwa itsinze REG

Amafoto: Habyarimana Raoul